8.3.4. Compensacións de partidas negativas na base impoñible do aforro

As partidas negativas procedentes de exercicios anteriores pendentes de compensación a 1 de xaneiro de 2017 serían:

• Os saldos negativos dos rendementos de capital mobiliaria de 2013 a 2016 a integrar na Base Impoñible do Aforro.

• Os saldos netos negativos de ganancias e perdas patrimoniais procedentes dos exercicios 2013 a 2016 que, segundo a normativa en vigor neses exercicios integrábanse na base impoñible do aforro.

  Dentro destes saldos inclúense os saldos netos negativos de ganancias e perdas de patrimoniais dos exercicios 2013 e 2014 derivados da transmisión de elementos patrimoniais adquiridos cun ano ou menos de permanencia.

Para os devanditos saldos negativos dos anos 2013 a 2016, introduciuse un réxime transitorio que determina a seguinte forma de compensar:

• Os saldos negativos de rendementos do capital mobiliario de 2013 a 2016 co saldo positivo de idénticos rendementos obtidos en 2017, ata o importe do saldo positivo.

• Os saldos netos negativos de ganancias e perdas patrimoniais derivados da transmi­sión de elementos patrimoniais calquera que sexa o seu período de permanencia procedentes dos exercicios 2013 a 2016 co saldo neto positivo das ganancias e perdas patrimoniais obtido no propio exercicio, ata o importe do saldo positivo.

Procedemento especial de compensación da parte dos saldos negativos que procedan de rendas negativas derivadas de débeda subordinada e participacións preferentes correspondentes aos exercicios 2013  e 2014.

Esta compensación afecta a:

• Rendementos do capital mobiliario negativos derivados de valores de débeda subordinada

• Rendementos do capital mobiliario negativos derivados de participacións preferentes emi­tidas nas condicións establecidas na disposición adicional segunda da Lei 13/1985, do 25 de maio, de coeficientes de investimento, recursos propios e obrigas de información dos intermediarios financeiros.

• Rendementos do capital mobiliario negativos ou perdas patrimoniais derivados da transmisión de valores recibidos por operacións de recompra e subscrición ou troco dos citados valores.

Nestes casos procederase da seguinte forma:

• Os rendementos negativos derivados de participacións preferentes ou débeda subordinada ou ben doutros valores recibidos en substitución destas , correspondente aos períodos imposi­tivos 2013  e 2014, poderase compensar co saldo positivo das ganancias derivadas da transmisión de elementos patrimoniais que se poña de manifesto en 2017.

  Pola súa banda, as perdas patrimoniais derivadas da transmisión de valores que se recibisen en substitución de participacións preferentes ou débeda subordinada, correspondente aos períodos impositivos 2013  e 2014, poderase compensar co saldo positivo dos rendementos do capital mobiliario correspondentes a 2017 e ata o seu importe.