9.3. Dedución por alugamento da vivenda habitual (aplicable solo para contratos de arrendamento celebrado con anterioridade a 1 de xaneiro de 2015, se a base impoñible é inferior a 24.107,20 euros anuais)

IMPORTANTE: Só dará dereito a aplicar esta  dedución  para contribuíntes con contratos de arrendamento celebrado con anterioridade a 1 de xaneiro de 2015.

Para iso resultará necesario que o contribuínte tivese dereito á dedución por alugamento de vivenda habitual en relación coas cantidades satisfeitas polo devandito concepto, nun período impositivo reportado con anterioridade a 1 de xaneiro de 2015, debendo, ademais, manter en vigor o contrato de arrendamento.

Os contribuíntes que teñan unha base impoñible inferior a 24.107,20 euros anuais poderán deducir o 10,05 por 100 das cantidades satisfeitas no período impositivo polo alugamento da súa vivenda habitual.

Nota : A base impoñible deberá ser inferior a 24.107,20 euros tanto en tributación individual coma en tributación conxunta.

BASE MÁXIMA DE DEDUCIÓN:

• Base impoñible igual ou inferior a 17.707,20 euros anuais: 9.040 euros anuais.

• Base impoñible entre 17.707,20 e 24.107,20 euros anuais: 9.040 euros - {1,4125 x (B.I - 17.707,20) }.

B.I = Base impoñible

Formalización

Na xanela de captura de datos do Anexo A1 deberán reflectirse os seguintes datos (o programa ten capacidade para incluír ata dous arrendamentos diferentes:

• As cantidades satisfeitas no período impositivo polo alugamento da vivenda habitual co límite de 9.040 euros.

• O NIF do arrendador.

• Se o arrendador non reside en España e non ten NIF español, deberá reflectir na terceira recadro o número de identificación que teña no país de residencia.