3.4. Servizos de axuda

Para facilitar a confección e presentación da declaración do IRPF a Axencia Tributaria pon a disposición dos contribuíntes os seguintes servizos de axuda:

Renda información

O servizo telefónico de Información Tributaria préstase no teléfono 91 554 87 70 de 9 a 19 horas de luns a venres.

Cita para renda

• Desde o 6 de maio a Axencia Tributaria poderalle confeccionar a súa declaración de Renda 2025 por teléfono (a solicitude de cita poderaa realizar desde o 29 de abril ata o 29 de xuño).

• Desde o 1 de xuño ata o 30 de xuño de 2025: a Axencia Tributaria poderalle confeccionar a súa declaración de Renda 2025 presencialmente nas súas oficinas (a solicitude de cita poderaa realizar desde o 29 de maio ata o 29 de xuño).

Para ser atendido pola Axencia Tributaria tanto por teléfono como presencialmente, concerte previamente cita, por Internet ou chamado aos seguintes números de teléfono.Teléfono automático 91 535 73 26 e con atención persoal 91 553 00 71.

As Comunidades Autónomas, cidades con Estatuto de Autonomía e Entidades Locais en exercicio da súa corresponsabilidade fiscal, colaboran coa Axencia Estatal de Administración Tributaria na Campaña de Renda 2025 na confección de declaracións, así como na modificación e confirmación de borradores de declaración.