Calendario, data e hora oficial

Calendario oficial

A Lei 39/2015, do 1 de outubro, do Procedemento Administrativo Común das Administracións Públicas recolle no seu artigo 30.7 que a Administración Xeral do Estado, con suxeición ao calendario laboral oficial, fixará, no seu respectivo ámbito, o calendario de días inhábiles para os efectos de cómputos de prazos. Doutra banda, como novidade, a mencionada Lei no seu artigo 30.2, exclúe os sábados do cómputo de prazos.

En cumprimento do que se establece nos artigos mencionados pódese consultar o calendario de días inhábiles para 2024.

Data e hora oficial

O artigo 31.2 da Lei 39/2015, do 1 de outubro, do Procedemento Administrativo Común das Administracións Públicas sinala que o rexistro electrónico de cada Administración ou Organismo rexerase para os efectos de cómputo dos prazos, pola data e hora oficial da sede electrónica de acceso, que deberá contar coas medidas de seguridade necesarias para garantir a súa integridade e figurar de xeito accesible e visible.

Así mesmo, o artigo 11.1 f) do Real decreto 203/2021, do 30 de marzo, polo que se aproba o Regulamento de actuación e funcionamento do sector público por medios electrónicos, establece que as sedes electrónicas indicarán a data e hora oficial aos efectos previstos no parágrafo anterior.

Por último, o artigo 15.2 do Real decreto 4/2010, do 8 de xaneiro, polo que se regula o Esquema Nacional de Interoperatividade no ámbito da Administración Electrónica sinala que a sincronización da data e a hora realizarase co Real Instituto e Observatorio da Armada (de agora en diante, ROA), de conformidade co previsto sobre a hora legal no Real decreto 1308/1992, do 23 de outubro.

En cumprimento destas disposicións ofrécese a data e hora oficial desta Sede Electrónica Central, que se mostra de forma visible e permanentemente actualizada na cabeceira deste sitio web. Se se producise algún erro na consulta á ROA, o reloxo mostrará a hora do servidor deste sitio web ata a nova consulta á ROA.