Preguntas frecuentes sobre o número de referencia (Servizo RENØ)

É un sistema de autenticación para acceder aos servizos de tramitación de Renda e Patrimonio.

O número de referencia, canda o NIF do contribuínte, permite a identificación e autenticación para acceder aos servizos de Renda.

Óbténse co Servizo RENØ dispoñible en Internet no portal da Axencia. (Renda 2017. Servizo RENØ) Como novidade a partir deste ano, se dispón da aplicación app da Axencia Triburaria poderá obtero accedendo á mesma.

O  número de referencia ten vixencia ata o inicio da campaña de renda seguinte, ou ata que se obteña un novo,  o cal invalida ao anterior. É válido tanto para servizos da campaña de Renda en curso como para todos os das campañas anteriores a partir do exercicio 2015.

O número de referencia da campaña de Renda 2016 deixou de estar vixente o 1 de marzo de 2018.

Servizo accesible a través de Internet polo que a Axencia Tributaria infórmalle do seu número de referencia; este número é a clave que permitirá, desde o primeiro día da campaña (4 de abril), tramitar o borrador ou declaración ou obter os datos fiscais.

Sen saír da aplicación "RENØ" poderá acceder a “Renda WEB“, introducindo o número de referencia recibido.

Do mesmo xeito que en Renda 2016, na actual campaña Renda 2017 a referencia non será única nin vinculada a un expediente; entregarase unha diferente cada vez que se solicite, cun máximo de  dez diarias.

Polo tanto, se a perdeu ou esquecido pode solicitar outra. A obtención dunha nova referencia implicará a revogación automática da última xerada.

A vixencia da referencia estenderase ata o inicio da campaña de Renda seguinte.

A regulación do número de referencia encóntrase na Resolución do 17 de novembro de 2011, da Presidencia da Axencia Estatal de Administración Tributaria, pola que se aproban sistemas de identificación e autenticación distinta da sinatura electrónica avan­zada para relacionarse electronicamente coa Axencia Estatal de Administración Tributaria (BOE do 29).

Todos os contribuíntes, sen que cumpra tramitar a declaración ou os datos fiscais con anterioridade.

Como excepción, non se permitirá a obtención do número de referencia a través deste servizo ao seguinte colectivo:

• A quen optasen por solicitar a inhabilitación da obtención de referencia mediante recadro. Esta opción pódese exercer na propia sede electrónica se dispón de certificado electrónico ou DNIe (ruta: “Sede Electrónica/Inicio / Todos os trámites / Impostos e taxas/Imposto sobre a Renda das Persoas Físicas / IRPF. Borrador da declaración / Trámites / Inhabilitar o acceso con recadro ou referencia ao portal de servizos personalizados de renda ”), ou comparecendose nas Delegacións e Administracións da Axencia Tributaria.

Si que poden utilizar o servizo RENØ:

• Os herdeiros de contribuíntes falecidos, cos mesmos datos que se esixen aos demais contribuíntes para obter os datos fiscais dos causantes.

• Os novos declarantes ou con recadro 450 do ano anterior igual a cero. Estes contribuíntes, ao non poder identificarse co recadro do ano anterior, deberán achegar os últimos cinco díxitos dunha conta bancaria vinculada co solicitante.

• Tamén os contribuíntes que dispoñan de certificado electrónico recoñecido ou ben dun sistema de sinatura con clave de acceso nun rexistro previo como usuario (Cl@ve PIN ), poderán para este exercicio obter a referencia a través do RENØ , sen prexuízo de que poidan acceder tamén a través destes sistemas de identificación electrónica aos servizos dispoñibles en Internet ou aos seus datos fiscais na Sede electrónica da Axencia Tributaria.

Para a campaña de Renda 2017 ponse a disposición dos contribuíntes unha aplicación móbil (app), que unha vez descargada permite acceder á maioría dos servizos de Renda 2017.

Con esta app poderá solicitar, incorporar e utilizar referencias dun máximo de 20 usuarios. Unha vez seleccionado un usuario que xa se encontre incorporado na app, non cumprirá introducir o número de referencia cada vez que desexe acceder a un servizo de renda a través da app.

Os datos necesarios para a súa obtención e incorporación ao dispositivo móbil son os que se recollen na seguinte pregunta.

Os datos obrigatorios son:

• DNI/NIE

• Data de validez DNI/NIE

• Recadro 450 declaración de Renda 2016

Se non dispón de data de validez no seu DNI/NIE ou se dispón dun DNI permanente deberá marcaro no recadro correspondente e se lle requirirá cubrir:

• Últimos cinco díxitos dunha conta bancaria vinculada co solicitante.

Se non dispón do recadro 450 da da declaración da Renda de 2016 porque non fixo a declaración de IRPF 2016 ou o valor desta foi 0,00 debe marcaro no recadro e se lle requirirá cubrir:

• Últimos cinco díxitos dunha conta bancaria vinculada co solicitante.

Se o seu DNI/NIE  comeza polas letras K, L, M, X, E, Z non deberá marcar a data de validez que se lle mostrará bloqueado, senón os últimos cinco díxitos dunha conta bancaria vinculada co solicitante.

En caso de encher correctamente os campos, a referencia móstrase nunha xanela emerxente. Deberá tomar nota desa referencia xa que non se remitirá mensaxe SMS.

O recadro 450 é a “Base liquidable xeral sometida a gravame” da declaración de Renda 2016 e localízase no apartado "Base liquidable xeral e base liquidable do aforro ". Os recadros están ordenados, polo que a localización da 450 é moi sinxela.

Pode obter o recadro 450 polas seguintes vías:

• A través do modelo da propia declaración de renda 2016.

• A través das cartas de datos fiscais que se remitan polo servizo de correos.

• Nas oficinas da Axencia Tributaria, previa solicitude de cita.

A Axencia Tributaria garante a confidencialidade dos datos cos que tramita Renda WEB a súa declaración. Con esta finalidade, deseñouse un sistema de acceso seguro que presume a identidade do solicitante, ao ter que achegar un dato que soamente pode coñecer cada declarante (o importe do recadro 450 da declaración do exercicio anterior).

Non obstante, poden concorrer situacións (perda ou extravío de documentación, subtracción, cambio de asesor, divorcio ou separación, etc.) en que o contribuínte necesite eliminar o risco de que terceiras persoas non autorizadas accedan aos seus datos fiscais coñecendo o importe do recadro 450.

Para iso, a Axencia Tributaria ofrece un servizo que permite inhabilitar o acceso con casa a determinados servizos, en particular ao Servizo RENØ.

Hai dúas formas de inhabilitar este acceso ao Servizo RENØ:

• Se se dispón de certificado electrónico ou DNIE pódese inhabilitar o acceso a este servizo mediante recadro, accedendo ao apartado "Inhabilite o recadro para obter o número de referencia", dentro da columna “MÁIS TRÁMITES” do portal de Renda 2017.

• Se non se dispón de certificado electrónico ou DNIE pode solicitar a inhabilitación do acceso comparecendose nas Administracións e Delegacións da Axencia Tributaria.

Desde que a inhabilitación teña lugar, non se poderá obter a través do Servizo RENØ o número de referencia do borrador e / ou os datos fiscais. Ademais, no caso de que o número de referencia se obtivese con anterioridade, desde a data da inhabilitación non se poderán realizar xestións con ese número a través de Internet.

Teña en conta que unha vez inhabilitado o acceso ao servizo, poderá en calquera caso revogar esa inhabilitación en próximos exercicios.

En todo caso poderá obterse unha nova referencia plenamente válida a través de certificado electrónico ou Cl@ve PIN.