BREXIT

Consecuencias do BREXIT na Aduana

Como consecuencia da finalización o 31 de decembro de 2020 do período transitorio previsto no acordo de retirada do Reino Unido da Unión Europea, a partir de xaneiro de 2021 todos os fluxos de mercadorías entre España e o Reino Unido deixarán de ter a consideración de operacións intracomunitarias, para pasar a estar suxeitos a formalidades aduaneiras,  agás aquelas que teñan como procedencia ou destino Irlanda do Norte, que seguirán sendo obxecto de declaración no sistema Intrastat.

Nas declaracións de Intrastat referidas a operacións con Irlanda do Norte farase constar como código do Estado membro de contrapartida XI, que corresponde a Irlanda do Norte, e como País de orixe da mercadoría consignarase o seguinte código:

1. Se a mercadoría ten a súa orixe na propia Irlanda do Norte, declararase como País de orixe Irlanda do Norte (XI).
2. Se a mercadoría ten a súa orixe noutra parte do Reino Unido distinto de Irlanda do Norte, farase constar como código do País de orixe XU, que corresponde ao Reino Unido excluído Irlanda do Norte.

Se a mercadoría ten a súa orixe nun país distinto a Irlanda do Norte ou ao Reino Unido excluído Irlanda do Norte, consignarase como País de orixe o código correspondente ao devandito país, de acordo á nomenclatura de países do Anexo I da  Resolución do 22 de maio de 2018, do Departamento de Aduanas e Impostos Especiais da Axencia Estatal de Administración Tributaria, para a elaboración das estatísticas de intercambios de bens entre Estados membros (Sistema Intrastat).