O sistema de importación descrito na presente guía inclúe as especificacións técnicas para a comunicación externa do sistema electrónico de IMPORTACIÓN en España (con referencias ao sistema de despacho centralizado europeo de importación).

O devandito sistema creouse segundo os requisitos comúns en materia de datos establecidos polo REGULAMENTO DELEGADO (UE) 2021/234 DA COMISIÓN para o intercambio de información entre os operadores e a autoridade aduaneira.

Concretamente, este documento inclúe os detalles dos servizos existentes en relación coas seguintes declaracións en aduanas (columnas do anexo B):　

• H1- Declaración de despacho a libre práctica e réxime especial — destino especial — declaración de destino final 　
• H3 Réxime especial — destino especial — declaración de importación temporal
• H4 Réxime especial — perfeccionamento — declaración de perfeccionamento activo
• H5 Declaración de introdución das mercadorías no marco do comercio con territorios fiscais especiais
• I1 Declaración simplificada de importación
• I2 Presentación das mercadorías o marco das declaracións en aduana presentada con anterioridade á presentación das mercadorías no momento da súa importación

Nesta primeira versión inclúese a mensaxe de alta da declaración de importación adaptada ao Código Aduaneiro da Unión (CAU) e ao sistema transeuropeo de Importación centralizada (CCI).

Para coñecer o concepto de CCI, ver regra española ESR0001 das Regras e condicións axustadas ao EUCDM e á Aduana española, publicado no portal de Aduanas na parte de guías técnicas.

Publícanse as regras e condicións fixadas polo sistema CCI e as regras e condicións españolas en documento á parte. Na "Táboa con información dos datos a enviar nunha mensaxe completa de importación", na columna "Regras" detállanse as que se usarán nesta declaración.