O pasado 30 de xuño publicouse no Diario Oficial da UE o REGULAMENTO DE EXECUCIÓN (UE) 2022/1039 DA COMISIÓN do 29 de xuño de 2022 polo que se establecen disposicións de aplicación do Regulamento (UE) nº 978/2012 do Parlamento Europeo e do Consello no que fai á suspensión para o ano 2023 de determinadas preferencias arancelarias concedidas a algúns países beneficiarios do SPG .

De acordo co artigo 8.1 do Regulamento (UE) n.ou 978/2012, as preferencias arancelarias do réxime xeral do Sistema de Preferencias Xeneralizadas (SPG) deben suspenderse con respecto aos produtos dunha sección do SPG orixinarios dun país beneficiario do SPG se, durante tres anos consecutivos, o valor medio das importacións na Unión de tales produtos procedentes dese país supera os limiares indicados no anexo VI do devandito Regulamento.

Os países para os que se suspenden determinadas preferencias arancelarias son India, Indonesia e Kenya e a lista de seccións do SPG en que se suspenden as preferencias arancelarias están recollidas no Anexo do Regulamento de Execución recentemente publicado.