A partir do 1 de xaneiro de 2024 para as mercadorías que cheguen por vía aérea, ou do 1 de marzo do 2024 para as mercadorías que cheguen por vía marítima, abrirase no medio de produción a posibilidade de enviar as mensaxes G3 (notificación de presentación de mercadoría) e G4 (declaración de depósito temporal).

Comezará así un período de coexistencia durante o cal se poderá optar por presentar a actual declaración sumaria de depósito temporal (DSDT) ou por enviar as referidas mensaxes G3 e G4. Esta posibilidade estenderase, tanto no ámbito aéreo coma no marítimo, ata a aplicación do Regulamento (UE) 2019/1239 do Parlamento Europeo e do Consello, do 20 de xuño de 2019, polo que se crea un medio europeo de portelo único marítimo (prevista para o 15 de agosto de 2025).

No caso de que se opte por enviar as mensaxes G3 e G4 durante o período de coexistencia, deberase ter en conta que:

• Con carácter previo a enviar as mensaxes cumprirá pasar as probas de conformidade coas limitacións funcionais do sistema para o que haberá que pórse en contacto co Centro de Atención ao Usuario de Aplicacións de Aduanas da AEAT.
• Non estarán inicialmente dispoñibles outros documentos, mensaxes ou declaracións vinculadas ás mensaxes enviadas, tales como a mensaxe G5 (movemento de mercadorías en depósito temporal) ou determinados documentos de datado do G4 . Estas limitacións determinan que, se se quere seguir dispondo das funcionalidades da DSDT , débese seguir utilizando esta  ata a comunicación da integración de todos os servizos e declaracións relacionadas coa declaración G4.

Axencia Tributaria: Guías técnicas - Presentación DUA (Documento Único Administrativo)