O vindeiro 3 de outubro estará dispoñible no medio de produción o novo sistema de declaracións de tránsito  NCTS P5 conforme ao indicado na “Guía de Servizos Web de intercambio de información entre os Operadores e a Axencia Tributaria - Novo sistema NCTS P5”. A partir da devandita data poderanse enviar as novas mensaxes XML do sistema NCTS P5, consultar os datos das declaracións mediante os novos trámites previstos na Sede Electrónica da AEAT así como subscribirse á Bandexa de Entrada para recibir comunicacións sobre as declaracións sistema a sistema.

É importante sinalar que desde a data mencionada o sistema NCTS P5 funcionará en paralelo canda as mensaxes do sistema NCTS P4 podendo realizarse o envío das declaracións de tránsito mediante o uso de calquera dos dous sistemas ata o 11 de marzo de 2024, data prevista para o peche do sistema NCTS P4.

A partir do 12 de marzo de 2024 o sistema NCTS P5 será o único dispoñible para a presentación de declaracións de tránsito.

Durante o período de convivencia nacional de ambos os dous sistemas, todas as declaracións de tránsito presentadas estarán dispoñibles en NCTS P4 e NCTS P5, independentemente do sistema polo que fosen dadas de alta.

A información detallada do novo sistema NCTS P5 pode consultarse na Guía técnica publicada para ese fin dispoñible en  Guías técnicas - Presentación DUA (Documento Único Administrativo)