Publícase a versión 4.11 da guía técnica de declaracións EXS, notificacións de Reexportación e de Reexpedición, en que se introducen novas validacións sobre os documentos previos T2L.

O número de referencia do documento previo deixará de ser opcional para T2L e só poderá declararse empregando unha das seguintes referencias:

• Preferentemente, en caso de existir, un MRN (18 chars) de T2L electrónico (exemplo: 24ES004611L3871391).
• Outras referencias  propias de  manifestos visados  de menos de 18 caracteres de lonxitude:
  • Referencia de 13 caracteres de lonxitude con formato ESRRRRANNNNNN, onde RRRR é un recinto aduaneiro, A un número (o ano) e NNNNNN un número.
  • Referencia de entre 6 e 14 caracteres de lonxitude con formato ESPSLN…N, onde N...N son entre 0 e 9 díxitos numéricos.
  • Referencia de entre 7 e 15 caracteres de lonxitude con formato ESEAPSN...N, onde N...N son entre 0 e 9 díxitos numéricos.
• Outras referencias  propias de  facturas e documentos de transporte  de menos de 18 caracteres de lonxitude:
  • Referencia con formato PPC...C, onde PP é un país do TAU e C...C unha cadea de caracteres.

Calquera outra referencia que non encaixe coas descritas provocará unha resposta de rexeitamento.

Así mesmo validarase que, no caso de que se declare un documento T2L,  os países do itinerario posteriores a España non sexan todos non pertencentes ao TAU. Para máis detalles recomendamos consultar a guía técnica v4.11.

Estas validacións entrarán en vigor o 23 de xullo de 2024.
 
Subscríbase á canle RSS de Novidades de Aduanas do portal da AEAT para estar ao tanto de futuros comunicados.