De acordo co  artigo 1 do Anexo 21 do Acordo entre a UE e o Reino Unido en relación con Xibraltar  os controis sanitarios e fitosanitarios pasaranse no primeiro punto de entrada cando o esixa a normativa da Unión. Así pois, nos DCP non se pasarían medidas TARIC que fosen pasadas previamente no primeiro punto de entrada non sendo que o DCP sexa de por si punto de entrada na Unión.

Así mesmo,  non  se pasarán nos DCP as  medidas TARIC nacionais  relacionadas con comercialización de produtos na UE con destino Xibraltar.

Casos recentes onde se observou a problemática:

- nos H1 con destino a Xibraltar está saltando a medida sanitaria 410 cando previamente as mercadorías pasaron o control sanitario no primeiro punto de entrada na Unión. A mercadoría circula desde este EM ata o DCP da Liña baixa un T1. Os operadores teñen o certificado CHEDD que cumpriu para poder emitir o T1 con destino á Liña pero non indícano na declaración H1. Este certificado deberá declararse no correspondente H1 que se presenta no DCP con destino a Xibraltar.

- nalgunhas ocasións, nos correspondentes T1 desde outro EM con destino á Liña, indícase un código de exclusión dunha medida sanitaria ou fitosanitaria que, porén, non se indica no H1 subseguinte con destino a Xibraltar, o que implica que salte circuíto amarelo de multitude de partidas pendentes de levante nese H1 . Cómpre indicar a exclusión no H1 para que isto non se produza.