Aviso sobre phishing e consellos de seguridade

Estanse a producir campañas de envío de mensaxes por correo electrónico e SMS falsas que suplantan a identidade da Axencia Tributaria. 　

O obxectivo dos delincuentes é roubar á vítima datos persoais ou bancarios, xa for remitíndolle a unha páxina web falsa que suplanta á da Axencia Tributaria ou facéndolle descargar ficheiros con virus. 　

Non atendas esas mensaxes, é un intento de fraude suplantando a imaxe da Axencia Tributaria.　

Non é a primeira vez que se utiliza este tipo de correos ou SMS. Por este motivo,  a concienciación e a información da cidadanía é esencial. Recomendamos:　

• Non abrir mensaxes de usuarios descoñecidos ou que non solicitases,  eliminaos directamente.　
• Non contestar en ningún caso a estas mensaxes.　
• Precaución ao seguir ligazóns en correos aínda que sexan de contactos coñecidos.　
• Precaución ao descargar ficheiros adxuntos de correos aínda que sexan de contactos coñecidos.　

A Axencia Tributaria insiste en que nunca solicita por correo electrónico ou SMS información confidencial, económica ou persoal, números de conta nin números de tarxeta dos contribuíntes nin adxunta anexa con información de facturas ou outros tipos de datos.