Erro:Perceptor non identificado

Se durante a cubrición dunha declaración informativa, ao incluír os datos dun perceptor ou declarado aparece a mensaxe "Erro:Perceptor non identificado", significa que non é posible enviar os datos do rexistro dese modo, xa que non coinciden cos que constan no censo da Axencia Tributaria.

Para comprobar se un NIF consta no censo da AEAT utiliza a opción dispoñible na web:"Comprobación dun NIF de terceiros para efectos censais" situado en "Servizos de axuda", "Identificación fiscal" do apartado "Campaña declaracións informativas 2021", tamén encontrarás esta opción nas xestións do modelo 030 dentro de "Censos, NIF e domicilio fiscal" do apartado "Información e xestións".O acceso está dispoñible con certificado/DNI electrónico ou ben con Cl@ve PIN, unha vez no formulario baixa na páxina ata o apartado "Consulta unitaria" e indica o NIF e os apelidos e nome completos nesa orde.Fai clic en "Consultar".

No caso de que os datos introducidos no campo de apelidos non sexan completamente correctos pero se supere a porcentaxe mínima de coincidencias, o sistema devolverá a mensaxe:"A persoa consultada non foi identificada co nome achegado, pero existe similitude co nome rexistrado no censo da AEAT"E os datos completos do censo.

Neste caso terás que introducir os datos do perceptor na declaración informativa tal e como constan no censo para que a declaración sexa aceptada.

Se segue aparecendo nesta consulta que o contribuínte non foi identificado, proba a alterar a orde do nome ou proba só cunha parte deste para comprobar se deste modo hai coincidencia.