Formas de presentación de declaracións informativas

Existen 2 vías para a presentación de Declaracións Informativas:

Presentación mediante formulario web

Para a maior parte de Declaracións Informativas dispós de  formularios web que permiten  cubrir e presentar a declaración en liña.

Esta vía de presentación é válida para declaracións que non superen os 40.000 rexistros. 

Presentación mediante ficheiro (TGVI en liña)

É un envío directo mediante ficheiro, que se obtivo previamente  mediante aplicacións externas ou outras medios e que  debe axustarse ao deseño de rexistro publicado.

O sistema TGVI en liña esténdese a todos os modelos de declaracións informativas para o exercicio 2023, con vantaxes como a validación inmediata da información enviada e a posibilidade de presentación parcial de rexistros correctos.

Este sistema será obrigatorio para as declaracións que conteñan máis de 40.000 rexistros pero admitirá calquera ficheiro independentemente do seu tamaño.

Naqueles modelos que permitan a presentación mediante Cl@ve para persoas físicas, tamén se admitirá esta forma de acceso á presentación directa por ficheiro.

Lembramos que no exercicio 2019 suprimiuse a presentación de predeclaración mediante SMS para os modelos 190, 347 e 390. Se non dispós dun sistema de identificación válido recomendámosche que consultes as axudas dispoñibles para a obtención dun certificado electrónico e o rexistro en Cl@ve.

En función do tipo de declarante, a presentación electrónica pode realizarse con certificado electrónico ou DNIE e con Cl@ve.

Presentación electrónica con certificado ou  DNIE

Poden utilizar este medio de identificación todos os  presentadores que dispoñan dun certificado electrónico recoñecido, admitido pola Axencia Estatal de Administración Tributaria segundo a normativa vixente en cada momento ou do seu DNIE cos certificados válidos e correctamente configurado.

A presentación con certificado electrónico será obrigatoria para  as persoas ou entidades adscritas á Delegación Central de Grandes Contribuíntes ou a algunha das Unidades de Xestión de Grandes Empresas das Delegacións Especiais da AEAT, Sociedades Anónimas, Sociedades Limitadas e Administracións Públicas.

Presentación electrónica con Cl@ve

Poden utilizar Cl@ve, naqueles modelos en que se admita este sistema de identificación, as persoas físicas que actúan en nome propio ou con apoderamento e que non están obrigadas á utilización dun certificado electrónico.

Habilitarase a autenticación mediante QR (para escanear mdiante a APP Cl@ve) e a opción de continuar sen lectura QR, introducindo o DNI / NIE e o dato de contraste solicitado.

Para máis información acerca das novidades nas formas de presentación para o exercicio 2023 podes consultar o portal Campaña declaracións informativas 2023.