Aplicación móbil Cl@ve PIN

Aplicación móbil Cl@ve PIN en IOS

A Axencia Tributaria pon á túa disposición a descarga gratuíta da aplicación Cl@ve PIN para dispositivos móbiles con sistema IOS.Unha vez instalada, poderás visualizar os códigos PIN obtidos previamente dende o navegador ou dende unha aplicación móbil integrada con Cl@ve PIN (por exemplo, a app Axencia Tributaria).

Como novidade, tamén poderás realizar todas as xestións sobre Cl@ve PIN que xa se encontran dispoñibles na páxina web, como rexenerar o código de activación para Cl@ve Permanente, modificar o número de teléfono e correo electrónico indicado no rexistro, obter un nivel de seguridade superior, renunciar a Cl@ve ou revogar o certificado de Cl@ve Firma.

Para utilizar a aplicación é necesario estar previamente rexistrado no sistema Cl@ve;se a instalas sen estar rexistrado, a aplicación detéctao ao achegar os teus datos e darache opción a rexistrarte nese momento.

Características de accesibilidade

A aplicación móbil permite utilizar as ferramentas de apoio que ofrece o sistema operativo e outras ferramentas personalizadas, entre elas, os lectores de pantalla, os magnificadores (como poden ser o Zoom ou a Lupa), as opcións de texto grande e alto contraste, o ditado e o recoñecemento de voz, etc.

Descarga e instalación da aplicación

Podes descargar a aplicación Cl@ve PIN da Axencia Tributaria dende "App Store".

Na primeira ventá, mostrarase un aviso que resume o funcionamento da aplicación e inclúe a "Política de privacidade e condicións do servizo" e "Recollida e uso de datos":

• O usuario debe estar previamente rexistrado no sistema (se non o está, a app recoñecerao e daralle opción a rexistrarse nese momento);
• A activación realízase mediante a obtención dun PIN por SMS;
• Tras a activación, poderás visualizar os códigos PIN obtidos previamente dende o navegador ou dende unha aplicación móbil integrada con Cl@ve PIN;
• O código PIN é persoal e intransferible, ten unha validez de 10 minutos e só se pode utilizar unha vez ata que proceda a desconectarse da sede electrónica ou peche o navegador.
• Para un usuario, só se permite ter activa a app nun dispositivo.

Unha vez lido o aviso, pulsa "ACEPTAR".

Nas primeiras ventás infórmase das novidades da app e as accións que se realizan coa aplicación:activación do dispositivo e visualización dos códigos PIN solicitados.Pulsa "Seguinte" en todas elas.

Activación do usuario

A continuación iniciarase o formulario para activar o usuario.Para comezar a activación, indica o DNI/NIE e pulsa "ACEPTAR".

Na seguinte ventá, en función do número de documento informado, requirirase o seguinte dato adicional:

• Data de validez, para DNI
• Data de expedición, para DNI permanente (01-01-9999)
• Número de soporte, se é un NIE

Na icona co símbolo da interrogación situado na esquina superior dereita, poderás abrir o contido de axuda que explica detalladamente como localizar este dato nos distintos tipos de documento de identidade existentes.

Se o usuario non está rexistrado en Cl@ve, a app ofrécelle a posibilidade de rexistrarse nese momento.

• Se seleccionas "Mediante carta ao domicilio fiscal" poderás solicitar o envío da carta ao teu domicilio fiscal e unha vez recibida, rexistrarte co código CSV (Código Seguro de Verificación) da carta.
• Se seleccionas "Por videollamada", comunicarate cun axente que procederá ao rexistro nese momento (necesitas ter instalada a app ZOOM no dispositivo e ademais activar a cámara e o son).
• Tamén podes seleccionar o rexistro mediante certificado electrónico ou DNIe, que enlazará coa páxina web, para o cal deberás ter instalado no dispositivo un certificado electrónico válido.

Se xa estás rexistrado, mostrarase un aviso de envío de SMS ao número de teléfono rexistrado en Cl@ve (por seguridade só se mostran os últimos catro díxitos).Ademais, mostrarase un contador co tempo de validez do código de activación que será de 10 minutos.Consulta a caixa de correo de mensaxería para ver o PIN recibido.

Nota: Se o número de teléfono móbil non é correcto ou cambiaches de número, pulsa "CAMBIAR Nº DE TELÉFONO".Contactarás co servizo "Modificar o número de teléfono asociado a Cl@ve".

Na seguinte pantalla, incorpora o PIN recibido por SMS e confirma a activación do dispositivo pulsando "ACTIVER DISPOSITIVO" e na seguinte pantalla "CONTINUAR".

Tras a activación, a aplicación comprobará se o usuario dispón dun PIN válido, obtido nos 10 minutos anteriores.Se non é así, ao abrir a app indicarase que nese momento non hai dispoñible un PIN válido e como obtelo.

A app non dispón dunha función para obter o PIN.Unicamente mostra o último PIN válido, previamente solicitado dende o navegador ou dende unha app que teña integrado Cl@ve PIN (como a app Axencia Tributaria).

Se ten un PIN válido (vixente nos últimos 10 minutos) mostrarase nunha nova pantalla, xunto cun contador do tempo de validez restante e o botón "Copiar".

Ao utilizar o PIN nalgún trámite (dentro dos 10 minutos seguintes á súa obtención) móstrase unha ventá coa data e hora exacta en que foi utilizado.

A próxima vez que necesites un código PIN, ao acceder a aplicación solicitarache o código de desbloqueo do dispositivo.

Xestións

Na parte inferior da pantalla dispós de varias categorías, na categoría "Xestións" inclúense todas as xestións do sistema Cl@ve, ademais, se está o dipositivo activo poderás realizalas dende a propia app.Entre as xestións dispoñibles encóntranse:

• Rexenerar Código de Activación de Cl@ve Permanente.
• Modificar o número de teléfono asociado a Cl@ve.
• Modificar o correo electrónico asociado a Cl@ve.
• Obter un nivel de seguridade superior en Cl@ve.Con certificado ou DNIe (web)
• Revogar o certificado de Cl@ve Firma.
• Renunciar a Cl@ve.Con certificado ou DNIe (web).

Información

Nesta categoría inclúese información e axuda sobre Cl@ve ,Cl@ve PIN e a app Cl@ve PIN.Entre a información dispoñible encóntrase:

• Como rexistrarse en Cl@ve.
• Como obter un PIN.
• Preguntas frecuentes
• Axuda App Cl@ve PIN.
• Axuda técnica  Cl@ve PIN.
• Normativa, guías e manuais.

Contacto

En "Contacto" tes un acceso directo para valorar a app nos markets de aplicacións, como contactar co soporte da app, información de contacto coa AEAT e acceso directo ás canles da AEAT en Youtube e Twitter.

Axustes

Nos "Axustes" inclúese un acceso directo aos axustes do dispositivo para recibir as notificacións push e a declaración de accesibilidade.Tamén dende esta categoría podes desactivar o usuario que se encontre activo no dispositivo xa que só é posible activar un DNI/NIE.Enumerámosche as opcións dispoñibles:

• Desactiva ou Activar o dispositivo.
• Idioma da aplicación (Castelán, Catalá, Galego, Valencià, English)
• Notificacións push.Recibir notificacións co PIN (recomendado).
• Condicións e politicas (Política de privacidade e condicións do servizo, Recollida e uso de datos).
• Accesibilidade.
• Acerca de.

Dende a icona da parte superior dereita pódese consultar o DNI o NIE activo no dispositivo.