Certificados electrónicos de menores de idade

O certificado electrónico, como o emitido pola FNMT, só poderá ser solicitado por un maior de idade ou un menor emancipado. Hai que lembrar que os españois adquiren a maioría de idade aos 18 anos. Os estranxeiros deberán acreditar a súa maioría de idade, segundo o país de orixe, mediante certificado da súa embaixada ou consulado.

No referente aos menores emancipados, para solicitar un certificado electrónico, terán que acreditar a súa emancipación mediante un certificado literal do Rexistro Civil. Se se trata dun menor emancipado estranxeiro deberá acreditar esta circunstancia mediante o certificado correspondente da súa embaixada ou consulado.

En relación aos certificados en tarxeta como a sinatura electrónica do DNI electrónico, hai que advertir que segundo o artigo 1.4 do Real decreto 1553/2005, do 23 de decembro, que regula a expedición do documento nacional de identidade e os seus certificados de sinatura electrónica, permite unicamente aos españois maiores de idade e con plena capacidade de obrar, a identificación electrónica do seu titular así como realizar a sinatura electrónica dos seus documentos. Para o caso dos españois menores de idade, ou que non gocen de plena capacidade de obrar, establece que o DNI  electrónico conterá unicamente a utilidade da identificación electrónica, para o que se emitirá co respectivo certificado de autenticación activada.

Polo tanto, co DNI electrónico o menor de idade poderá acreditar a súa identidade por medios telemáticos pero non terá capacidade para realizar a sinatura electrónica.