Información sobre novos certificados de representante (FNMT)

Dende o día 6 de xuño de 2016, a FNMT empezou a expedir os novos certificados de representante, conforme á nova normativa europea.A partir desta data deixáronse tanto de emitir os actuais certificados de persoa xurídica e de entidade sen personalidade xurídica, como permitir a renovación destes a través da páxina web.Non obstante, estes certificados poderán seguir utilizándose ata a súa caducidade ou revogación.

Os tres novos certificados que emite a FNMT son:

• Certificado de Representante para Administrador Único ou Solidario:Este certificado expídese aos administradores únicos ou solidarios como representantes das persoas xurídicas para as súas relacións coas administracións públicas e na contratación de bens ou servizos propios ou concernentes ao seu xiro ou tráfico ordinario.Poderá obter o seu certificado de representante sen necesidade de comparecer nas oficinas de rexistro nin achegar documentación ningunha, sempre que o Administrador Único ou Solidario se identifique ao solicitar o certificado cun certificado electrónico de persoa física expedido pola FNMT-RCM ou co DNI electrónico.A FNMT conectará co Rexistro Mercantil para comprobar as facultades de representación que consten no devandito Rexistro a favor do interesado.
• Certificado de Representante de Persoa Xurídica:Expídese ás persoas físicas como representantes das persoas xurídicas para o seu uso nas súas relacións coas Administracións públicas, entidades e organismos públicos, vinculados ou dependentes destas.Neste caso será necesario comparecer nunha oficina de rexistro coa documentación esixida para acreditar a capacidade para actuar en nome da Entidade Xurídica.
• Certificado de Representante de Entidade sen Personalidade Xurídica:Expídese ás persoas físicas como representantes das entidades sen personalidade xurídica no ámbito tributario e outros previstos na lexislación vixente.Tamén se require a acreditación nunha oficina de rexistro.

Para máis información sobre estes certificados, pode consultarse a páxina web da FNMT.