Tipos de acceso a trámites

En función do trámite da sede electrónica ao que accedas, poderás escoller entre os distintos sistemas de identificación dispoñible.

• Certificado ou DNI electrónico

  O certificado electrónico é unha sinatura electrónica que se instala no navegador para garantir a identidade e permite realizar xestións sen necesidade de desprazarse, por exemplo acceder aos datos fiscais, presentar a declaración por Internet, realizar pagamentos ou solicitar certificacións directamente a través da páxina web da Axencia Tributaria.

  A sinatura dixital que inclúe o DNIE permitirá realizar os mesmos trámites que outro tipo de certificados electrónicos, sempre que o certificado non caducase.

  Para máis información sobre o certificado electrónico e o DNIE consulta as axudas sobre "Certificados electrónicos" e "DNI electrónico (DNIE )".

• Cl@ve Móbil

  É un sistema de identificación que permite realizar trámites por Internet baseado en claves concertadas; concretamente desde a APP Cl@ve escaneando o código QR ao seleccionar esta forma de acceso, achegando DNI ou NIE e o dato de contraste solicitado e confirmando a autenticación tamén desde a APP ou solicitando o envío do PIN de acceso mediante SMS se non tes a APP instalada.

  Existen un gran número de trámites que permiten o acceso mediante Cl@ve: presentación de declaracións informativas, autoliquidacións trimestrais e mensuais (se non se estás obrigado ao uso do certificado electrónico), a consulta, modificación e confirmación do borrador de Renda, ademais da presentación da declaración anual de IRPF, a solicitude de certificacións tributarias, a solicitude de aboamento anticipado por familia numerosa, ascendente con dous fillos ou discapacitados a cargo, etc.

  No apartado "Cl@ve - Axuda técnica" encontrarás toda a información relacionada.

• Número de referencia

  Esta opción de identificación está habilitada para os distintos servizos de Renda dispoñible para cada campaña. A referencia é válida para realizar a través de Internet multitude de trámites de Renda, desde solicitar cita ata obter a túa declaración mediante o sistema Renda WEB e presentar a declaración de IRPF, sempre que supoñan como resultado unha devolución ou un ingreso con domiliciación, con tarxeta ou Bizum.

  O dato que se solicitará para a obtención da referencia de Renda será o recadro 505 da declaración de Renda 2024, ademais da data de validez/expedición do DNI ou o número de soporte do NIE. Consulta a axuda "Como obter a referencia do seu expediente de Renda con recadro".

• eIDAS - Acceso a cidadáns UE

  O sistema de Autenticación de Cidadán UE (eIDAS) permite aos cidadáns dun país da Unión Europea usar a súa identificación electrónica nacional para acceder a servizos públicos noutros países membros.

  Actualmente, para acceder aos servizos da Axencia Estatal de Administración Tributaria a través do sistema eIDAS, requírese que o cidadán da UE posúa un identificador como un DNI (Documento Nacional de Identidade), un NIE (Número de Identificación de Estranxeiro) ou un NIF L ou NIF M (Número de Identificación Fiscal). Isto significa que, aínda que podes utilizar a túa identificación electrónica doutro país da UE, necesitas primeiro ter un destes identificadores españois para realizar trámites na sede electrónica da AEAT.

• TOKEN

  É unha clave numérica temporal necesario para actuar en nome propio ou de terceiros a través da canle telefónica. É imprescindible dispor de certificado electrónico para obter o TOKEN que terá unha validez de 1 hora desde a súa obtención.

• Outros sistemas de identificación

  Existen alternativas aos sistemas descritos anteriomente para trámites concretos; por exemplo a consulta de documentos electrónicos e descarga de ficheiros mediante CSV (Código Seguro de Verificación).