Sociedades WEB. Funcionalidades do formulario

Como gardar, exportar e importar declaracións do modelo 200 desde o formulario do modelo 200

O formulario WEB de Sociedades 2022 permite exportar, importar e gardar declaracións. 

Exportar

Unha vez cumprimentada e validada a declaración sen erros, pódese exportar a declaración. Esta opción xa non aparece na barra de menú de Sociedades WEB senón que hai que pulsar o botón "Presentar declaración" e na xanela para seleccionar o tipo de declaración e os datos bancarios, é onde se habilitará esta opción.

Porén, naquelas declaracións onde non exista o documento de Ingreso / Devolución (por exemplo, cando se trata de entidades pertencentes a un grupo de consolidación fiscal, que corresponde aos caracteres [00009] e [00010] da declaración) o botón "Exportar" correspóndese coa última icona que aparece na botonera do formulario.

O ficheiro obtido na exportación ten por nome o NIF do declarante, o número do modelo (200), o exercicio (2022) e período (0A) coa extensión.200. Gárdase por defecto na carpeta que teña predeterminada o navegador para as súas descargas aínda que podes seleccionar outro directorio distinto.

Podes recuperar este ficheiro accedendo novamente ao formulario web pulsando "Importar" na xanela inicial.

Importar

Mediante a opción "Importar" pódese recuperar un ficheiro con formato BOE (.200) que conteña unha declaración xa confeccionada e que fose xerado cun programa externo, que cumpra co deseño de rexistro publicado na web ou xerado co formulario WEB e obtido mediante o botón "Exportar".

Esta opción soa está dispoñible na xanela inicial.

Pulsa o botón "Importar", acepta o aviso e selecciona o ficheiro que  queres recuperar.

Se o ficheiro se axusta ás especificacións do deseño de rexistro indicarase nunha xanela emerxente: "A importación do ficheiro.200 terminou con éxito" canda un aviso sobre os datos importados; pulsa "Aceptar" para acceder ao formulario coa declaración cumprimentada. Ten en conta que, se o ficheiro non se axusta ao deseño de rexistro, será rexeitado.

Se accedes a Sociedades WEB como representante, tras identificar o declarante, se se intenta importar un ficheiro correspondente a un NIF para o que non estás autorizado para presentar a declaración, tampouco se poderá importar o ficheiro ao formulario.

Gardar

O botón "Gardar", situado na barra de menú da parte superior, permite almacenar no servidor os datos cumprimentados ata ese momento, incluso aínda que a declaración non estea validada (pode conter erros ou estar incompleta). Desta maneira podes saír do formulario sen perder a información.

Ao pulsar "Gardar" móstrase unha xanela co NIF do declarante e a data/hora da última sesión de traballo existente. Ten en conta que só gárdase a última sesión en que estivo traballando, se xa existe unha declaración gardada con anterioridade sobreescribirase.

Ao acceder de novo a Sociedades WEB, se se detecta unha sesión previa e queres recuperara, pulsa o botón "Continuar".