Como contestar requirimentos ou presentar documentación relacionada cun documento recibido da AEAT

Revisa o contido do requirimento para asegurarche de que esta é a vía indicada para contestar, efectuar alegacións ou achegar documentación. É posible que se indiquen outras vías como "Achegar documentación complementaria" ou "Contestar requirimentos, efectuar alegacións e / ou achegar documentos xustificantes" dun modelo ou trámite concreto.

Para acceder á contestación da notificación, indica o CSV (Código Seguro de Verificación) que consta na notificación recibida no recadro correspondente e selecciona "Como desexa facer a presentación?":

• O interesado: pode entrar con identificación mediante certificado/DNI electrónico e Cl@ve ou sen identificación.
• O representante: só pode acceder "Con identificación" utilizando certificado ou DNI electrónico e Cl@ve.

Para localizar o CSV, podes consultar a axuda pulsando sobre a ligazón "Onde encontrar o Código Seguro de Verificación".

Entrando como interesado e sen identificación, o sistema ofrecerache as opcións que permita o procedemento asociado. Como ves no exemplo a continuación, o sistema ofréceche as opcións que poden realizarse sen identificación e móstrache as posibilidades de contestación que requiren identificación.

Unha vez que accedeses ao rexistro telemático, cobre os campos requiridos, entre os que se encontra o Expediente/Referencia, asunto, datos de contacto, teléfono e adicionalmente un correo electrónico.

Podes anexar a documentación desde a opción "Engadir ficheiros". Tamén dispós da posibilidade de redactar o motivo da presentación no espazo que figura na parte inferior do formulario.

Ao pulsar "Engadir ficheiros", mostrarase a xanela para seleccionar os ficheiros que se anexan á resposta. Fai click en "Seleccionar ficheiros" para acceder ao explorador de arquivos e escoller o ficheiro que desexas anexar. Ten en conta que o arquivo non pode superar os 64 MB e que debe ter un formato aceptado. Desde a opción "Axuda" podes obter máis información sobre os tipos de ficheiros admitidos.

Unha vez cumprimentados os campos requiridos e achegada toda a documentación necesaria, fai clic en "Presentar".

Se o envío se realiza correctamente mostrarase en pantalla o xustificante da xeración do rexistro.

No caso de que na notificación se indique que podes presentar recurso ou reclamación económico-administrativa e desexes presentaro, terás que facer clic na pregunta, "Desexa presentar recurso?"

Esta ligazón levarache á ruta na sede para a presentación de recursos e reclamacións

Terás que elixir o tipo de recurso ou reclamación que desexas interpor. Tes que coñecer a través da notificación, a que departamento ten que dirixirse a solicitude

Cando o elixises, accede á presentación ou solicitude. En caso de non coñecer exactamente o tipo de acto contra o que se realiza o recurso, contacta coa oficina ou departamento remitente, que aparece na cabeceira da notificación

Este trámite require identificación electrónica. Selecciona o tipo de identificación.

Cobre os datos que se solicitan, asunto, tipo de representación, teléfono e opcionalmente un correo electrónico. Neste caso hai un dato obrigatorio "Número de expediente/Referencia do acto recorrido". Podes anexar ficheiros e escribir a descrición que desexes.

Ao presentar aparecerá o informe da entrada por rexistro da solicitude.