Como recibir avisos de novas notificacións e comunicacións da DEHú

A DEHú enviará un aviso informativo ao enderezo de correo electrónico que indicases no apartado "Os meus datos de contacto", cada vez que recibas unha nova notificación ou comunicación por parte da AEAT.

Poderás indicar ata 5 enderezos de correo electrónico distintos.

Para dar de alta, modificar ou eliminar un enderezo de correo electrónico na DEHú fai clic en "Acceder"; o acceso está dispoñible con Cl@ve (Cl@ve Móbil/ Cl@ve PIN/ Cl@ve Permanente) e con certificado ou DNI electrónico.

Unha vez identificado fai clic na ligazón "Os meus datos de contacto" situado na parte superior.

Poderás recibir avisos de novas notificacións e / ou comunicacións aos emails proporcionados no formulario, sempre que o Organismo Emisor da túa notificación estea adherido á DEHú.

Se aínda non indicaches un correo electrónico sitúache no recadro "Correo electrónico (1)" e introduce os datos necesarios; despois podes indicar un teléfono de contacto. A continuación, marca o recadro "Acepto as condicións legais e / ou de uso" e pulsa "Gardar". Se queres recibir estes avisos en máis enderezos de correos, pulsa a opción "engadir correo electrónico".

Editar

Se necesitas modificar, engadir novos emails ou eliminar algún correo electrónico fai clic no botón "Editar".

• Para modificar o "Correo electrónico (1)" e o resto de emails sitúache no recadro correspondente, borra o dato e volve escribir o correcto.

• Para incluír un novo correo electrónico pulsa "engadir correo electrónico" e habilitarase o seguinte recadro para indicar outro correo electrónico, así sucesivamente ata un máximo de 5 emails.

• Do mesmo xeito, se xa deches de alta varios emails e desexas eliminar un ou varios fai clic na aspa situada en cada recadro.

Só é posible indicar un número de teléfono, se non o incluíches inicialmente podes escribiro agora e, se xa está incluído nos teus datos de contacto, pódelo modificar ou eliminar. Unha vez realizados os cambios, marca "Acepto as condicións legais e / ou de uso" e pulsa "Gardar".

Eliminar

Tamén dispós da opción "Eliminar" para borrar todos os emails e o número de teléfono que deses de alta. Desde esta opción non é posible eliminar soamente un ou varios correos electrónicos, elimínanse todos os emails e o teléfono. Se desexas eliminar soamente un correo electrónico ou o teléfono, deberás facero desde o botón "Editar".