Como dar de alta un poder para trámites tributarios mediante identificación electrónica

Podes dar de alta un poder para trámites tributarios acreditandoche por algunha destas 3 vías:

1. Poder outorgado mediante comparecencia persoal nas Delegacións e Administracións da Axencia e no caso de persoas xurídicas ou entidades carentes de personalidade xurídica a que se refire o artigo 35.4 da Lei 58/2003, do 17 de decembro, Xeral Tributaria, mediante comparecencia do representante legal da entidade ou de quen ostente poder suficiente para outorgar os apoderamentos.

2. Poder outorgado mediante documento público ou documento privado con sinatura notarialmente lexitimada presentado ante a Axencia Tributaria.

3. Poder outorgado por Internet mediante o uso dalgún dos sistemas de identificación e autenticación prevista na Lei 39/2015, do 1 de outubro, do Procedemento Administrativo Común das Administracións Públicas.

Apoderamento mediante identificación electrónica

O apoderamento outorgado mediante identificación electrónica na web da Axencia Tributaria permite que calquera obrigado tributario poida apoderar a un terceiro (persoa física ou xurídica), para que realice por Internet, no seu nome, calquera dos trámites e actuacións en materia tributaria que se encontren habilitados mediante apoderamento co seu propio certificado electrónico, DNI electrónico, Cl@ve ou co sistema de identificación para cidadáns da Unión Europea (eIDAS) utilizando a identificación doutro país

Podes consultar os trámites dispoñibles para o apoderamento a través de Internet no apartado "Colaborar coa Axencia Tributaria ", "Rexistro de apoderamentos", "Forma e procedimento" e, na marxe dereito, no apartado "Axuda" pulsando sobre "Relación de trámites habilitados para o apoderamento"

Para dar de alta o poder para trámites tributarios, accede a "Alta de poder mediante identificación electrónica" dentro dos trámites do "Rexistro de apoderamentos".

Consulta o aviso da parte superior. Ten en conta que se outorgas un apoderamento para recibir notificacións dun trámite específico, para ese trámite concreto as notificacións dirixiranse o destinatario do documento e ao apoderado especificamente designado, non recibindo a notificación o apoderado no trámite xeral.

Apoderamento xeral

Fai click en "Alta de poder xeral para trámites tributarios". Cobre o campo NIF /CIF do apoderado, selecciona o ou os códigos dos trámites: "GENERALLEY58", "GENERALDATPE" e "GENERALNOT" e indica a data de fin da autorización. Se non se modifica o dato da data de fin de autorización,  a duración do apoderamento será  de 5 anos, sendo este o prazo máximo de duración do apoderamento. Marca o recadro de autorización e pulsa "Asinar e Enviar".

Marca o recadro "Conforme" e fai clic en "Asinar e Enviar" para completar o apoderamento.

Na xanela de resposta informarase dos datos do mandante, o apoderado, a relación de apoderamentos dados de alta e o CSV (Código Seguro de Verificación) que poderás cotexar no apartado "Cotexo de documentos mediante código seguro de verificación" na web. Ademais, no caso de apoderamento xeral para a recepción de notificacións, na columna "Estado" especifícase "Notificación Telemática" para indicar que é necesaria a confirmación do apoderado para que produza efecto.

Apoderamento específico

Fai click en "Alta de poder para trámites tributarios específicos".

Cobre o campo NIF /CIF do apoderado, indica a data de fin da autorización e selecciona o ou os códigos dos trámites para os que se outorga o poder.

Os trámites específicos aparecen organizados por categorías. Dispós dun buscador para localizar facilmente o trámite. Para despregar as subcategorías fai clic no signo "+" da carpeta correspondente. Podes seleccionar unha categoría completa ou unha subcategoría específica. Pulsa "Aceptar" na parte inferior.

Mostraranse os trámites para os que outorgou o apoderamento e poderase modificar a data de fin de autorización (se non se cambiou  o valor  da pantalla anterior, a validez  será de 5 anos). Marca o recadro de autorización e pulsa "Asinar e Enviar".

Marca o recadro "Conforme" e fai clic en "Asinar e Enviar" para completar o apoderamento.

Na xanela de resposta rexistraranse os datos do mandante e apoderado, a relación de apoderamentos dados de alta, e os códigos CSV (tanto o xeral da resposta como os específicos de cada apoderamento) que poderás cotexar no apartado "Cotexo de documentos mediante código seguro de verificación" na web.

Lembra:

• • É necesaria a confirmación por parte do apoderado para que os apoderamentos produzan efecto naqueles casos en que estea marcado o estado "Notificación Telemática".

  • O apoderamento pode ser outorgado a unha ou varias persoas, tanto físicas coma xurídicas.

  • O mandante pode realizar a "Consulta e revogación de apoderamentos outorgados" accedendo a "Apoderamento para a realización de trámites e actuacións en materia tributaria por Internet" da web.