Consulta de declaracións presentadas

En función do modelo que queiras consultar poderás identificarte mediante calquera das formas habilitadas na páxina web:

• Certificado electrónico ou DNIe
• Cl@ve PIN
• Número de referencia de Renda (para os modelos 100 e 714)

Os datos obrigatorios para realizar a consulta son o NIF do declarante, o modelo e o exercicio, aínda que se poden engadir outros filtros adicionais como o período ou rango de data e de hora. Os campos de modelo, exercicio e período dispoñen dunha pestana dende a que podes seleccionar os modelos de declaración dispoñibles, os exercicios para cada unha delas e o período. Para establecer a data podes axudarche do calendario ou indicala no formato dd/mm/aaaa, dous díxitos para o día, dous díxitos para o mes e catro díxitos para o ano. 

Pulsa "Buscar" para localizar os expedientes que coinciden cos criterios de busca.

Utiliza o botón "Ver" de cada columna para acceder ao xustificante e copia da declaración ou á descarga do ficheiro respectivamente.

Dende a columna "Obtención do Xustificante" ábrese unha nova ventá para a visualización do documento nun PDF embebido no navegador.

En canto á descarga do ficheiro presentado, o navegador mostrará unha ventá para a descarga do ficheiro TXT que contén a declaración.Terá por nome o número de expediente e a data e hora de descarga, aínda que poderás cambialo por outro nome que consideres oportuno.