Consulta dun pagamento anterior de autoliquidacións mediante cargo en conta

Para recuperar o NRC xerado para o pagamento dunha autoliquidación cómpre identificarse co mesmo certificado electrónico, DNIE ou Cl@ve utilizado no momento de realizar o pagamento.

Indica o modelo, datos identificativos e económicos para o que desexas realizar a consulta e fai clic en "Aceptar datos e Continuar". Estes datos deben coincidir exactamente cos datos que introduciches no momento do pagamento. Para evitar erros na recuperación do NRC é importante prestar atención aos campos do apartado "Datos da liquidación "e seleccionar nos desdobrables tanto o exercicio fiscal como o período de forma correcta; por exemplo, non confundir o período 1T co 01 nunha declaración periódica.

Se tes rexistrada algunha conta bancaria para o NIF identificado, marca o recadro correspondente e non cumprirá completa o IBAN.

Revisa os datos e se son correctos pulsa "Aceptar datos e Continuar".

Na xanela "Enviar solicitude" ofrécese un resumo dos datos consignados, marca o recadro "Conforme" e pulsa "Asinar e Enviar".

Se o pagamento existe obterás o NRC xerado que che sirva de xustificante. Fai click en "Xustificante de Pagamento" para descargar o PDF no teu equipo.

Lembra que tras obter o NRC, se non presentaches a declaración, podes acceder á presentación desde o botón "Realizar Declaración" ou acceder noutro momento ao formulario correspondente e indicar manualmente o NRC no campo dispoñible.