Consulta de taxas

Para efectuar o pagamento dunha taxa hase de acceder á "Lista de posibles pagamentos de taxas (Taxas comprendidas no ámbito de aplicación da O.M. Hac/729/2003 do 28 de marzo). Para cada taxa inclúese un enlace á páxina web na que debe realizarse o pagamento desta.

A páxina da Axencia Tributaria é unha mera pasarela de pagamentos polo que se deberá contactar coa páxina web a través da cal se accede ao pagamento da taxa correspondente en caso de incidencia.Se xorde algún problema, recoméndase contactar tamén coa entidade bancaria.

Aqueles contribuíntes que desexen recuperar o importe asociado ao pagamento dunha taxa dispoñen de dúas opcións:

• Solicitar a anulación dese NRC ao seu EEFF. En moitos casos a entidade non poderá proceder a esta liberación, pero cando é posible resulta a alternativa máis rápida.
• Solicitar a devolución ao organismo encargado desa taxa. En última instancia, o organismo en cuestión debe dispoñer dos medios ao respecto para facilitar a devolución dun cargo indebido.Dende a AEAT non se pode cursar ningunha devolución correspondente ao pagamento de taxas de organismos alleos á Axencia Tributaria.

Para realizar a consulta é necesario que o titular do pagamento da taxa se identifique con Cl@ve PIN, certificado ou DNI electrónico.

Unha vez identificado hase de seleccionar a forma de pagamento utilizada:cargo directo en conta ou pagamento mediante tarxeta de crédito ou débito.

A continuación hai que indicar o número de xustificante correspondente á taxa pagada, os datos identificativos do contribuínte e os datos económicos asociados.Pulsa "Aceptar datos e Continuar".

Se o pagamento existe, xerarase en pantalla o xustificante co NRC asociado ao pagamento realizado.