Pagamento de autoliquidacións mediante transferencia bancaria

O pagamento de certas autoliquidacións pode realizarse mediante transferencia, sempre que se utilice unha conta IBAN correspondente a unha entidade non colaboradora.

A transferencia é unha opción de pagamento non presencial para aqueles obrigados que non dispoñan de conta da súa titularidade en ningunha entidade colaboradora da AEAT, que admite tamén entidades financeiras en países estranxeiros.

Nota: O pagamento mediante transferencia non está habilitado para contas de entidades colaboradoras coa  AEAT, para as que si están dispoñibles os servizos de pagamento con cargo en conta e pagamento con tarxeta.

O contribuínte establece un compromiso de pagamento e obtén os datos necesarios para realizar posteriormente a transferencia desde a súa entidade financeira dentro do prazo establecido.

Naquelas autoliquidacións que dispoñan desta opción selecciónase o tipo de ingreso por transferencia e introdúcense o oito primeiros caracteres do IBAN (ou do código identificativo) da conta desde a que se desexa efectuar a transferencia. Marca tamén o recadro de aceptación de condicións deste xeito de pagamento.

Tras presentar a declaración mediante esta modalidade de pagamento, obtéñense os datos cos que se debe ordenar a transferencia desde a propia entidade bancaria: IBAN, BIC /SWIFT, importe, concepto/detalle e data límite de recepción.

Recomendamos ler atentamente os avisos para asegurar que a transferencia se realiza correctamente.

O pagamento considerarase realizado na data en que a transferencia sexa recibida pola  AEAT e sempre que a devandita data estea dentro do límite de recepción indicada.