Pagamento telefónico de débedas e liquidacións

Co obxectivo de facilitar aos cidadáns o pagamento das débedas derivadas de liquidacións efectuadas pola Administración está habilitada o servizo telefónico de Asistencia e Información de Recadación (REC@T)  para o pagamento destas débedas.

Os datos que se solicitan para poder efectuar o pagamento son o NIF do titular da débeda, o número de xustificante, o modelo da carta de pagamento, o importe da débeda e o número de conta en que desexa que se realice o cargo. Este servizo estará dispoñible unicamente para os titulares da débeda e sempre que se trate de persoas físicas e de débedas inferiores a 18000 euros.

Unha vez facilitados os datos ao axente telefónico e efectuado o cargo, xerarase un documento xustificativo do pagamento, cuxo CSV poderá remitirse de forma opcional ao contribuínte mediante unha SMS ao número de teléfono móbil que este indique. Con este CSV poderase verificar a través da Sede Electrónica, desde "Cotexo de documentos electrónicos mediante Código Seguro de Verificación", os datos da débeda e o número de conta en que se cargou.

Aqueles contribuíntes que non dispoñan de certificado electrónico e desexen realizar o pagamento da débeda telefonicamente deberán contactar co 91 553 68 01 (accesible tamén desde o 901 200 350). Como garantía de seguridade, a chamada telefónica correspondente á autorización do cidadán para a realización do cargo será gravada.

Non obstante, se se dispón de certificado electrónico ou Cl@ve poderase realizar o pagamento a través da opción "Pagar, aprazar e consultar débedas" da Sede electrónica.