Solicitude de devolución do IVMDH (céntimo sanitario) - Axuda técnica

Como consultar unha solicitude de devolución do IVMDH presentada e anexar facturas

Se necesitas consultar unha solicitude de devolución de IVMDH xa presentada ou anexar facturas a unha solicitude dispós da opción "Consulta de solicitudes de devolución e anexo de facturas". Para acceder ao trámite cómpre identificarse con certificado, DNIE ou Cl@ve en caso de tratarse dunha persoa física.

Establece os parámetros de busca e pulsa o botón "Buscar".

Obterás unha lista de solicitudes de devolución presentada telematicamente. Tamén desde este apartado podes dar de alta unha nova solicitude.

Pulsa o número da solicitude do campo "Número de solicitude" e accederás á información detallada e á relación de subministracións obxecto da solicitude de devolución.

Anexar facturas

Para anexar facturas a unha presentación xa realizada desde a ligazón "Consulta de solicitudes de devolución e anexo de facturas" fai clic en "Anexar FACTURAS" situadas na parte superior.

Cobre os datos (os marcados con asterisco son de formalización obrigatoria). No recadro "Referencia" consignarase o número 1 se é o primeiro ficheiro anexado, 2 se é o segundo, etc. Fai click en "Seleccionar arquivo".

Pulsa o botón "Examinar" e selecciona o ficheiro coas facturas escaneadas. Despois pulsa "Gardar Ficheiro".

Por último, pulsa "Asinar e enviar".

Obterás un xustificante cun número de asento rexistral. O ficheiro incorporado poderá consultarse na propia solicitude, dentro do bloque "Documentación anexa". Podes repetir o proceso de "Anexar FACTURAS" para anexar un novo ficheiro.