Modelo 040

Alta no Rexistro doutros operadores de plataforma obrigada a comunicar información

A presentación do "Modelo 040. Rexistro doutros operadores de plataforma obrigada a comunicar información. Alta" está dispoñible exclusivamente por vía electrónica mediante identificación con certificado electrónico. Deberá presentarse cando se inicie a actividade como "operador de plataforma", o cal, deberá dispor de número de identificación fiscal.

Se o declarante non dispón dun certificado electrónico válido poderá realizar a presentación un terceiro, apoderado ou colaborador social, debidamente autorizado.

Se vas acceder como apoderado deberás dispor do apoderamento xeral ou específico relacionado co modelo 040 (GENERALLEY58 ou G3356).

En primeiro lugar, selecciona o tipo de actuación, en nome propio ou como representante.

Ao acceder ao formulario de Alta no Rexistro doutros Operadores de Plataforma, os datos identificativos virán informados segundo os datos indicados na xanela de identificación.

Cobre os datos tendo en conta que os marcados con asterisco son de formalización obrigatoria.

Indica a data de inicio de actividade como operador de plataforma e os datos de contacto, correo electrónico ou enderezo WEB.

Se o declarante non residente en España, indica tamén a identificación fiscal e o domicilio do país de residencia, así como, os datos do representante se fose pertinente. Despois, pulsa “Aceptar”.

Se os datos son correctos pulsa “Aceptar” no aviso.

Obterás o "Detalle da Alta no Rexistro doutro Operador de Plataforma" co número de xustificante da presentación e unha ligazón para obter o xustificante de alta de operador de plataforma.

O PDF obtido contén unha primeira folla coa información da presentación (día e hora de presentación, causa da presentación, Código Seguro de Verificación e datos do presentador) e, nas páxinas posteriores, a información completa da alta no rexistro doutro Operador de Plataforma.