Mensaxe Referencia errónea

Se ao acceder a Renda WEB con referencia, recibes a mensaxe "Referencia errónea", comproba que os caracteres, letras e números, distínguense claramente. Lembrámosche que a referencia se compón unicamente de 6 caracteres alfanuméricos.

Accede á solicitude dunha nova referencia desde o botón "Non teño Referencia". Non existe límite de peticións ata a campaña do ano seguinte e pódense solicitar referencias para varios usuarios.

A solicitude da referencia para Renda 2023 pode solicitarse co importe do recadro 505 da declaración de Renda 2022 que corresponde ao importe da "Base liquidable xeral sometida a gravame".

Para obter a referencia mediante Cl@ve ou certificado/DNI electrónico cómpre que accedas pola opción "Obtén o teu número de referencia" situada no apartado "Xestións" do portal da campaña de Renda.

Introduce os datos que correspondan, DNI /NIE e o dato de contraste que che pida o sistema de identificación.

Se indicas un NIF, terás que escribir a data de validez do DNI no formato indicado, dd-mm-aaaa, día, mes e ano separado por guións (se non introduces separación, a aplicación engadirá os guións automaticamente). Tamén podes utilizar o calendario dispoñible para seleccionar a data. Se o DNI é permanente (01/01/9999), a data que se solicitará é a de expedición do documento. Podes utilizar a ligazón de axuda "Como obter a data de validez ou data de expedición do teu DNI ?" en que se explica como localizar este dato no DNI.

No caso de que indiques un NIE, o dato que se solicitará será o número de soporte que aparece no documento. Podes utilizar a ligazón de axuda "Como obter o número de soporte do teu documento?", en que se explica como localizar este dato na tarxeta de estranxeiro, permiso de residencia ou certificado de cidadán da UE e como consignaro correctamente no formulario. Para máis información sobre o número de soporte, tamén podes consultar a axuda "Introduza soporte válido" (Como introducir o número de soporte).

Se se trata dun NIF sen data de validez, do tipo K, L, M, o dato que terás que facilitar será a data de nacemento que consta no teu documento.

Pulsa "Continuar", unha vez que accedeses, ben co recadro 505 da declaración de Renda 2022 ou ben coas 5 últimas cifras dunha conta IBAN de que sexas titular (se o importe do recadro é cero "0" ou se non presentaches Renda o exercicio anterior), a referencia aparecerá en pantalla. Consta de 6 caracteres e poderás utilizara en posteriores accesos ou solicitar unha nova cando o desexes.