4.10. SP SPLIT Ou CONTRA SPLIT

Nestas operacións consignarase:

• O número de accións antigas.

• O nominal das accións antigas.

• O número de accións novas.

• O nominal das accións antigas.

Split

Na operación de Split ou desdobramento de accións redúcese o valor nominal das accións, aumentando o seu número, pero mantendose o mesmo valor do capital social.

A operación consiste no troco dunhas accións dunha sociedade por un número maior de accións da mesma sociedade de menor valor nominal, mantendose a mesma porcentaxe de participación no capital social.

Esta operación non orixina ganancia nin perdida de patrimonio no accionista desde que este conserve a mesma porcentaxe de participación no capital social, xa que nestes casos non existirá ningunha variación no valor do patrimonio do contribuínte, aínda que exista alteración na súa composición. Para os efectos de futuros alleamentos as accións recibidas no troco conservan a antigüidade das accións entregadas, é dicir, a data de adquisición das entregadas.

Contra Split

A operación de contra Split ou agrupación de accións é un axuste á inversa do Split . Redúcese o número de títulos en circulación, e auméntase o valor nominal das accións, mantendose o mesmo valor do capital social.

A operación consiste no troco dunhas accións dunha sociedade por un menor número de accións de maior valor nominal da mesma sociedade, diminúese o número de accións e auméntase o seu valor nominal, mantendose a mesma porcentaxe de participación no capital social.

Esta operación non orixina ganancia nin perdida de patrimonio no accionista desde que este conserve a mesma porcentaxe de participación no capital social, xa que nestes casos non existirá ningunha variación no valor do patrimonio do contribuínte, aínda que exista alteración na súa composición. A efectos Para os efectos de futuros alleamentos as accións recibidas en troco conservan a antigüidade das accións entregadas, é dicir a data de adquisición das entregadas.

Nestas operacións é preciso que o número de accións antigas polo seu nominal sexa igual ao número de accións novas polo seu nominal. Se existiron picos, con carácter previo consignarase a correspondente transmisión ou adquisición de accións antigas á sociedade que permita cumprir esta equivalencia.

• Tipo de operación SP.

• Data da operación a de transmisión dos dereitos.

• Clave de mercado segundo a operación realizásese:

  • 10. Mercado secundario oficial de valores españois

  • 11. Mercado secundario oficial de valores estranxeiros europeos

  • 12. Mercado secundario oficial de valores estranxeiros extraeuropeos.

• Número de títulos.

• Importe da operación.

• Nominal dos títulos.

• Gastos.

• Número de títulos antigos.

• Nominal antigo.

• Exemplo:

• A sociedade X realiza a seguinte operación de SPLIT sobre os seus valores:

  Por cada acción antiga de nominal 10 euros haberá 2 accións cun nominal de 5 euros.

  Un contribuínte ten no momento anterior á realización do Split 250 accións da sociedade X as cales se encontran declaradas na súa carteira como unha Adquisición/Subscrición (AD).

• Para declarar este tipo de operacións deberá dar de alta, dentro da agrupación correspondente do valor X, unha nova operación seleccionando como tipo de operación SP (Split ou Contrasplit).

  Ao encher o campo data encherase automaticamente o número de títulos antigo, neste caso 250.

  No campo Nominal unitario dos títulos antigos deberá pór 10 euros.

  No campo Nº Títulos deberá pór 500 (250 x (10/5))

  No campo Nominal unitario deberá pór 5 euros (o novo nominal).

  Debe ter en conta que esta operación será consistente (cor verde) cando se cumpra a seguinte igualdade:

  Nº títulos antigos x Nominal unitario antigo = Nº de títulos novos x Nominal unitario novo.