Saltar ao contido principal
Modelo 100. Declaración do Imposto sobre a Renda das Persoas Físicas 2017

10.2.3. Por adopción internacional de nenos

No suposto de adopción internacional, formalizada nos termos regulados na lexislación vixente e de acordo cos Tratados e Convenios subscritos por España, os contribuíntes poderán deducir 600 euros por cada fillo adoptado no período impositivo.

Requisitos:

  • Entenderase que a adopción ten lugar no período impositivo correspondente ao momento en que se dite resolución xudicial constituíndo a adopción.

  • Esta dedución é compatible coa dedución por nacemento ou adopción de fillos anteriores.

  • Cando o neno adoptado conviva con ambos os dous pais adoptivos e estes optasen pola tributación individual, a dedución ratearase por partes iguais na declaración de cada un deles .

Formalización

En caso de matrimonio se ambos os dous cónxuxes teñen dereito á dedución, deberá indicar no recadro "Común" o número de fillos adoptados no ámbito internacional.

Noutro caso, o número de fillos adoptados internacionalmente reflectirase no recadro "Do Titular ". Neste suposto deberá indicar, adicionalmente, se os fillos conviven ou non con ambos os dous pais adoptivos.