10.11.11. Por doazóns con finalidade en investigación e desenvolvemento científico ou innovación tecnolóxica

Os contribuíntes poderán deducir da cota íntegra autonómica do imposto o 25 por cento, ata o límite do 10 por cento da devandita cota dos donativos monetarios que se fagan a favor de:

• Centros de investigación adscritos a universidades galegas e de promovídosos ou participados pola Comunidade Autónoma de Galicia que teñan como obxecto o fomento da investigación científica e no desenvolvemento e a innovación tecnolóxica.
• Entidades sen ánimo de lucro acollidas á Lei 49/2002, do 23 de decembro, de réxime fiscal das entidades sen fins lucrativos e dos incentivos fiscais ao mecenado, a condición de que estas últimas teñan a consideración de organismo de investigación e difusión de coñecementos de acordo co previsto no artigo 2.83 do Regulamento (UE) n.º 651/2014 da Comisión, do 17 de xuño de 2014.

A dedución queda condicionada á súa xustificación documental. Neste sentido as entidades beneficiarias estarán obrigadas a presentar relación das persoas físicas donatarias, durante os primeiros 20 días do ano, con respecto ás doazóns recibidas o exercicio anterior. 

Formalización

A través dunha xanela de captura de datos deberá indicar o importe satisfeito no exercicio con dereito á dedución.