10.2.2. Por nacemento ou adopción dun fillo en atención ao grao de discapacidade

O nacemento ou adopción dun fillo cun grao de discapacidade igual ou superior ao 33 por cento outorgará o dereito a unha dedución de 200 euros.

Esta dedución é compatible coa dedución por nacemento ou adopción do terceiro fillo ou sucesivos.

O grao de discapacidade deberá estar referido á data de devindicación do imposto e recoñecido mediante resolución expedida polo órgano competente en materia de servizos sociais.

Cando os fillos que dean dereito á dedución convivan con máis dun contribuínte, o importe da dedución ratearase por partes iguais.

Formalización

En caso de matrimonio se ambos os dous cónxuxes teñen dereito á dedución, deberá indicar no recadro "Comúns" o número de fillos nados ou adoptados no ano co grao de discapacidade requirido.

Noutro caso, ou cando existindo matrimonio optase por un acaptura de datos individuais,  o número de fillos con dereito á dedución, nados ou adoptados no ano, reflectirase no recadro "Do titular ". Neste suposto, adicionalmente, deberá indicar se os fillos conviven con ambos os dous proxenitores.