10.3.4. Por investimento en vivenda habitual que teña a consideración de protexida

Os contribuíntes que teñan dereito a percibir subvencións ou axudas económicas para a adquisición ou rehabilitación de vivenda habitual que teña a consideración de protexida conforme á normativa estatal ou autonómica terán dereito a aplicar, na cota íntegra autonómica, unha dedución de 113 euros.

Cando dous ou máis contribuíntes teñan dereito á aplicación desta dedución respecto dos mesmos bens para un mesmo período impositivo, o seu importe ratearase entre eles por partes iguais.

Importante

• A dedución unicamente poderá ser aplicada no exercicio en que se ten dereito a obter a axuda e lévese a cabo a adquisición ou rehabilitación.

• Non terán o carácter de subvencións ou axudas as concesións de préstamos hipotecarios con interese bonificado.

Formalización

Deberá indicar o número de persoas que teñen dereito a aplicar a dedución con respecto á mesma vivenda e o importe satisfeito, sen incluír os intereses, con dereito a dedución.