10.4.5. Por doazóns, cesións de uso ou contratos de comodato e convenios de colaboración empresarial

Os contribuíntes poderán deducir o 15 por cento das contías en que se valoren as doazóns, as cesións de uso ou os contratos de comodato, e das contías satisfeitas en virtude de convenios de colaboración efectuada de acordo co que se dispón na Lei 3/2015, do 23 de marzo, polo que se regula o consumo cultural e o mecenado cultural, científico e de desenvolvemento tecnolóxico.

O límite da dedución é de 600 euros por exercicio. No caso de que a cesión de uso ou o contrato de comodato teña unha duración inferior a un ano, esta dedución ratearase en función do número de días do período anual. Se a duración é superior ao ano, a dedución non se pode aplicar a máis de tres exercicios.

Requisitos

Só poderase aplicar esta dedución os contribuíntes cuxa suma da  base impoñible xeral e a base impoñible do aforro, en tributación individual non superen a contía de 12.500 euros, e de 25.000 euros en caso de tributación conxunta.

Incompatibilidade

Esta dedución é incompatible, respecto das mesmas cantidades investidas,  coa dedución por doazóns a determinadas entidades que teñan por obxecto o fomento da lingua catalá.

Formalización

Abrirase unha xanela de captura de datos en que deberá indicar o importe satisfeito ou a valoración das doazóns, as cesións de uso ou os contratos de comodato con dereito a dedución.

No caso de doazóns deberá indicar o importe da doazón.

No caso de cesións de uso ou contratos de comodato  de duración inferior ao ano deberá indicarnos separadamente a base da dedución e o tempo das devanditas cesións cuantificado en número de días.