10.4.8. Por doazóns a determinadas entidades que teñan por obxecto o fomento da lingua catalá

Os contribuíntes poderán deducir o 15 por 100 das doazóns monetarias que se realicen durante o período impositivo ata o límite do 10 por cento da cota íntegra autonómica ás seguintes entidades que teñan por obxecto o fomento da lingua catalá:

1. A Administración da Comunidade Autónoma das Illes Balears ou as entidades instru­mentales que dependen dela cuxa finalidade esencial sexa o fomento da lingua catalá.

2. A Universidade das Illes Balears, os centros de investigación e os centros superiores de ensinanzas artísticas da Comunidade Autónoma das Illes Balears.

3. As entidades sen finalidade lucrativa ás que se refiren os artigos 2 e 3 da Lei 49/2002, do 23 de decembro, de réxime fiscal das entidades sen finalidades lucrativas e dos incentivos fiscais ao mecenado, sempre que a fin exclusiva ou principal que persigan sexa no territorio o fomento da lingua catalá, e estean inscritas no Rexistro de Fundacións da Administración da Comunidade Autónoma das Illes Balears.

4. As entidades parcialmente exentas do imposto sobre sociedades a que se refire o artigo 9.3 da Lei 27/2014, do 27 de novembro do Imposto sobre Sociedades.

A efectividade das devanditas doazóns en cada período impositivo deberase acreditar me­diante un certificado da entidade donataria.

Así mesmo, nos casos da letra c do apartado anterior, a aplicación da dedución esixe que a consellaría competente en materia de política lingüística declare, mediante unha resolu­ción, que a entidade donataria verifica os requisitos establecidos na citada letra c.

Esta dedución é incompatible, respecto das mesmas cantidades, coa dedución por doazóns, cesións de uso ou contratos de comodato e convenios de colaboración empresarial, relativos ao mecenado cultural, científico e de desenvolvemento tecnolóxico e ao consumo cultural.

Formalización

Abrirase unha xanela no programa en que deberá indicar as cantidades doadas con dereito a dedución.