10.8.5. Por cantidades investidas na recuperación do patrimonio histórico, cultural e natural

Sobre a parte autonómica da cota íntegra poderase deducir o 15 por 100 das cantidades investidas coas seguintes finalidades:

As cantidades destinadas polos titulares de bens inmobles situados no territorio de Castilla y León á restauración, rehabilitación ou reparación dos mesmos, sempre que concorran as seguintes condicións:
- Que estean inscritos no Rexistro Xeral de Bens de Interese Cultural, ou afectados pola declaración de Ben de Interese Cultural ou inventariado de acordo coa lei de Patrimonio Cultural de Castilla y León, cumprindo que os inmobles reúnen as condicións determinadas no artigo 61 do Real decreto 111/1986, do 10 de xaneiro, de desenvolvemento parcial da Lei de Patrimonio Histórico Español ou as determinadas na Lei de Patrimonio Cultural de Castilla y León.
- Que as obras de restauración, rehabilitación ou reparación fosen autorizadas polo órgano competente da Comunidade Autónoma, da Administración do Estado ou, se é o caso, polo Concello correspondente.
As cantidades destinadas polos titulares de bens naturais situados en Espazos Naturais e lugares integrados na Rede Natura 2000 sitos no territorio de Castilla y León, sempre que estas actuacións fosen autorizadas ou informadas favorablemente polo órgano competente da Comunidade Autónoma.

Requisitos

Que a base impoñible total, menos o mínimo persoal e familiar non supere a contía de 18.900 euros en tributación individual e 31.500 euros en tributación conxunta.

Límite

A base desta dedución canda as doazóns a Fundacións de Castilla y León e para a recuperación do Patrimonio Histórico, Cultural e Natural e as doazóns ao fomento da investigación , o desenvolvemento e a innovación non poderá exceder do 10 por 100 da base liquidable. Este límite, que opera independentemente das deducións xerais por investimentos e donativos, é aplicado e controlado polo programa.

Formalización

Na xanela reflectiranse as cantidades doadas con dereito á dedución.