5.1. Declarante/Cónxuxe

Primeiro declarante/Cónxuxe (os datos do cónxuxe son obrigatorios en caso de matrimonio non separado legalmente)

Datos persoais:  NIF , os apelidos e nome, o sexo, o estado civil a 31-12-2019, a data de nacemento, o grao de discapacidade  e a Comunidade Autónoma.

No caso de falecemento no ano 2019, deberá indicarse o estado civil do contribuínte na data do falecemento.

Declarante/cónxuxe discapacitado

Se durante o período impositivo sobreveu a situación de discapacidade ou modificouse o seu grao ou circunstancias, seleccionarase a clave correspondente á discapacidade existente á data de devindicación do imposto (31 de decembro non sendo que se produza o falecemento do contribuínte nun día distinto).

Cónxuxe non residente que non é contribuínte

Marcarase este recadro cunha "X" se o cónxuxe do contribuínte non é residente en territorio español e, ademais, non ten a condición de contribuínte do IRPF .

Adicionalmente se vai  aplicar a dedución aplicable a aquelas unidades familiares formadas por residentes en estados membros da Unión Europea ou do Espazo Económico Europeo deberá marcar o recadro correspondente e indicar o país de residencia.

Lembre que  se o cónxuxe ou calquera outro membro da unidade familiar non é residente en territorio español non cabe a opción polo réxime de tributación conxunta.

Unha vez confirmados estes datos, ao saír do asistente para a formalización dos datos persoais, o NIF, o estado civil, o sexo, a consideración do cónxuxe como non residente que non é contribuínte polo IRPF e a data de falecemento do contribuínte,  non poderán ser modificado con posterioridade debendo, en caso  de cumprir, iniciar unha nova declaración.