5.2.3 Fillos integrantes da unidade familiar que non percibisen rendas e outros descendentes con dereito ao mínimo

Os datos correspondentes aos fillos e outros descendentes introdúcense, modifican ou ratifican  conforme ao que se dispón nos puntos 5.2.1 e 5.2.2 anteriores. Non obstante, unha vez aceptados os devanditos datos, o programa vaille a permitir  reflectir, se non o fixese nos  apartados anteriores, a fillos e outros descendentes que cumpran determinadas condicións.

No apartado "Fillos integrantes da unidade familiar que non percibisen rendas e outros descendentes con dereito ao mínimo por tal concepto" poderá relacionar unicamente:

• Fillos integrantes da unidade familiar que non obtivesen rendas. Se para algún dos fillos que integran a súa unidade familiar se lle esqueceu reflectir (de acordo co recollido no 5.2.1) que tiñan rendas,  deberá iniciar unha nova declaración para  recoller esa situación no apartado correspondente. De igual forma procederíase se non relacionase a algún fillo con rendas que forme parte da súa unidade familiar.
• Os fillos que non formen parte da unidade familiar, os fillos con idades comprendidas entre os 18 e 24 anos ou de 25 ou máis anos  que sexan persoas con discapacidade, os descendentes distintos dos fillos e as persoas en acollemento ou tutela (ou de que se teña a garda e custodia por resolución xudicial) menores de 25 anos ou maiores desa idade con discapacidade que non teñan  rendas,  excluídas as exentas, superiores a 8.000 euros ou que non presenten declaración con rendas superiores a 1.800 euros. (Exemplo: garda e custodia compartida dun fillo de 15 anos con rendas superiores a 8.000 euros, o proxenitor que non forma unidade familiar co fillo non incluirao na súa declaración. Se ese mesmo fillo  tivese rendas de 500 euros, de non habero incluído,  poderao relacionar neste apartado).

As claves de vinculación, discapacidade, e outras situacións empregaranse nos termos recollidos nos apartados anteriores.