5.3. Ascendentes maiores de 65 anos ou con discapacidade

Neste apartado relacionaranse:

Os ascendentes do «Primeiro declarante» e do «Cónxuxe», que dean dereito á aplicación do mínimo por ascendentes:

1. Que convivan co contribuínte polo menos, a metade do período impositivo. No caso de falecemento do ascendente no período impositivo, a convivencia debe haberse producido durante, polo menos, a metade do período transcorrido entre o 1 de xaneiro e a data de falecemento do ascendente.
2. Que non teñan rendas, excluídas as exentas, superiores a 8.000 euros  e que non presenten declaración con rendas superiores a 1.800 euros.

Na xanela de captura de datos deberá facilitar a seguinte información:

• NIF

  Farase constar o número de identificación fiscal (N.I.F.) de cada unha das persoas relacionadas.

  Para poder imprimir os modelos oficiais o programa esixe reflectir necesariamente o NIF dos ascendentes relacionados.

• Apelidos e nome

  Consignaranse os dous apelidos e o nome de cada unha das persoas relacionadas.

• Data de nacemento

  Indicarase o día, mes e ano de nacemento de cada unha das persoas relacionadas.

• Data de falecemento

  Indicarase o día e o mes do exercicio 2019 en que se producise o falecemento dos ascendentes. Teña en conta que no caso  de falecemento do ascendente, a convivencia debe haberse producido durante, polo menos, a metade do período transcorrido entre o un de xaneiro e a devandita data.

• Discapacidade (grao)

  No caso de que algunha das persoas relacionadas poida acreditar un grao de discapacidade igual ou superior ao 33 por 100, a 31 de decembro de 2019, reflectirase o grao de discapacidade recoñecido entre os que se indican a continuación:

  1. Discapacidade en grao igual ou superior ao 33 %e inferior ao 65 %(para o caso de non estar na situación 2).

  2. Discapacidade en grao igual ou superior ao 33 %e inferior ao 65 %, se se acredita necesitar axuda de terceiras persoas ou mobilidade reducida.

  3. Discapacidade en grao igual ou superior ao 65 %.

  4. Incapacitación xudicial por sentenza da xurisdición civil.

• Vinculación

  De cada un dos ascendentes relacionados farase constar a clave que corresponda de que se indican a continuación:

  "D" = Ascendente do «Primeiro declarante».

  "C" = Ascendente do «Cónxuxe».

• Convivencia con varios descendentes

  Unicamente cubrirase o recadro "Convivencia" cando algún dos ascendentes relacionados neste apartado, ademais de depender e convivido co «Primeiro declarante» ou co «Cónxuxe» polo menos durante a metade do exercicio, dependese e convivido, tamén polo menos durante a metade do exercicio, con outros descendentes do mesmo grao. No caso de falecemento do ascendente, que o contribuínte convivise polo menos a metade do período que media entre o un de xaneiro e a data de falecemento. Con esta finalidade deberase cubrir nos recadros do ascendente, a data de falecemento durante o exercicio 2019.

  Por exemplo, se o pai do «Primeiro declarante» dependeu e convivido durante todo o ano 2019 co devandito contribuínte e, simultaneamente, con outro dos seus fillos, no recadro "Convivencia" consignarase o número 2, que é o número total de descendentes do mesmo grao (fillos, neste caso) de que dependeu e cos que conviviu en 2019 o pai do «Primeiro declarante».

  Adicionalmente, se tivese dereito á dedución por ascendente con discapacidade, deberá encher os datos que, adicionalmente, se lle solicitan. A formalización deste apartado éxpónse dentro da dedución propiamente dita.