5.7. Domicilio habitual

Identificación do domicilio habitual do contribuínte

Para este exercicio 2019 desaparece de Renda Web o apartado de "Domicilio e datos adicionais da vivenda que constitúe o domicilio habitual". A identificación do domicilio habitual no momento da presentación da declaración é un dato que o contribuínte tivo que ratificar ou modificar con carácter previo ao inicio da mesma.

Non obstante, se o contribuínte  foi durante todo ou parte do exercicio 2019  propietario ou usufrutuario do inmoble que constitúe a súa vivenda habitual deberá  cubrir, adicionalmente, o apartado C da declaración: "Relación de bens inmobles e rendas derivadas dos inmobles a disposición dos seus titulares, arrendados ou cedidos a terceiros, ou afectos a actividades económicas" e sinalar este uso.

En consecuencia, se o contribuínte non é nin propietario nin usufrutuario do inmoble que constitúe a súa vivenda habitual (vive de alugamento, fillos que viven cos seus pais...) non deberá cubrir este apartado C da declaración.