7.4.4.4. Ingresos

Vendas ou prestacións de servizos 

Comprende a totalidade dos ingresos íntegros, tanto se son en diñeiro como en especie, derivados da entrega dos produtos que constitúan o obxecto da actividade, así como, se é o caso, os procedentes da prestación de traballos e servizos accesorios á actividade principal.

Cando medie contraprestación e esta sexa notoriamente inferior ao valor normal no mercado dos bens vendidos e dos servizos prestados, a valoración dos mesmos efectuarase polo seu valor normal no mercado.

Nas operacións económicas realizadas cunha sociedade coa que se dean relacións de vinculación o titular da actividade deberá efectuar de forma imperativa a súa valoración polo valor normal de mercado. Entenderase por valor normal de mercado aquel que se acordaría por persoas ou entidades independentes en condicións de libre competencia.

Consideración das compensacións ou das cotas repercutidas do IVE:

1. Tratandose de actividades incluídas no réxime especial da agricultura, gandaría e pesca do citado imposto, as compensacións percibidas deberán incluírse entre os correspondentes ingresos derivados das vendas ou procedentes das prestacións de traballos ou servizos.

2. Se a actividade está acollida ao réxime simplificado do IVE o importe das cotas repercutidas non se computará como ingreso.

Actividdes de transformación, elaboración ou manufactura 

Farase constar como ingreso o valor dos produtos naturais, vexetais ou animais, utilizados no correspondente proceso produtivo, de acordo cos prezos de mercado dos mesmos no momento da súa incorporación ao devandito proceso. Así mesmo, incluiranse, se é o caso, os ingresos correspondentes ao autoconsumo, subvencións e indemnizacións.

Se durante o ano 2019 transmitísense produtos elaborados en exercicios anteriores a 1998, deberá incluírse como ingreso do exercicio 2019 o valor dos produtos naturais utilizados no proceso produtivo, de acordo cos prezos de mercado dos mesmos no momento da súa incorporación aos procesos de transformación, elaboración ou manufactura.

Autoconsumo

Comprende tanto as entregas de bens e prestacións de servizos cuxo destino sexa o uso ou consumo particular do titular da actividade ou dos restantes membros da súa unidade familiar como as entregas de bens ou prestacións de servizos realizados a outras persoas de forma gratuíta. En ambos os dous casos, a valoración destas operacións deberá efectuarse polo valor normal de mercado dos dos bens ou servizos cedidos, ou que fosen obxecto de autoconsumo.

Subvencións

• Subvencións de capital:

  Son as concedidas para favorecer o establecemento da actividade ou a realización de investimentos en inmobilizado.

  Impútanse como ingreso en proporción á depreciación experimentada no exercicio (amortización) polos activos financiados coas devanditas subvencións.

  No caso de activos non depreciables, a subvención imputarase ao resultado do exercicio en que se produza o alleamento ou baixa no inventario dos mesmos, con aplicación no recadro 0188, da redución do 30 por100 por ser considerados regulamentariamente como rendementos obtidos de forma notoriamente irregular no tempo.

• Subvencións correntes:

  Son as concedidas, en xeral, para asegurar unha rendibilidade mínima ou compensar perdas ocasionadas na actividade.

  Impútanse integramente como ingreso no período en que se devindiquen.

• As subvencións que se concedan para financiar gastos específicos : impútanse como ingresos no mesmo exercicio no que se devindiquen os gastos que estean a financiar.