8.9.4.1.Formalización

En xeral, as retencións e ingresos a conta  reflíctense nos apartados correspondentes ás rendas de que proceden  (rendementos do traballo, intereses de contas  e depósitos e activos financeiros...)  e o programa traslada  eses importes aos recadros 0592 e seguintes  do apartado M da declaración: " Cálculo o imposto e resultado da declaración " "Retencións e demais pagamentos a conta "

Os pagamentos fraccionados  (modelos 130 e 131)  realizados polos contribuíntes que exerzan actividades económicas tanto en estimación directa, normal ou simplificada, como en estimación obxectiva  encheranse no recadro 0604.

Cando unha persoa non residente cambie a súa residencia a territorio español e adquira por este motivo a condición de contribuínte polo IRPF no exercicio 2019 consignará no recadro 0605  as cotas satisfeitas do Imposto sobre a Renda de non Residentes reportadas durante o citado período impositivo.

As retencións e ingresos a conta do Imposto sobre a Renda de non Residentes que, se é o caso, fosen practicadas durante o exercicio 2019, terán para estes contribuíntes a consideración de pagamentos a conta do IRPF, polo que o importe das mesmas incluirase entre as retencións e ingresos a conta que corresponda, atendendo á natureza das rendas sobre a que se practicaron.

Terán a consideración de pagamentos a conta as retencións a conta efectivamente practicadas en virtude do que se dispón no artigo 11 da Directiva 2003/48/CE do Consello, do 3 de xuño de 2003, en materia de fiscalidade dos rendementos do aforro en forma de pagamento de intereses e consignaranse no recadro 0606