9.8.2.2.3. Por investimentos en producións cinematográficas
-
PRODUCIÓNS ESPAÑOLAS DE LONGAMETRAXES CINEMATOGRÁFICAS E DE SERIES AUDIOVISUAIS.
Os investimentos en producións españolas de longametraxes cinematográficas e de series audiovisuais de ficción, animación ou documental, que permitan a confección dun soporte físico previo á súa produción industrial seriada, darán dereito ao produtor a unha dedución do 25 por cento respecto do primeiro millón de euros da base da dedución, e do 20 por cento sobre o exceso do devandito importe. O importe desta dedución non poderá ser superior a 3 millóns de euros.
A base da dedución estará constituída polo custo total da produción, así como polos gastos para a obtención de copias e os gastos de publicidade e promoción a cargo do produtor ata o límite para ambos os dous do 40 por cento do custo de produción.
Polo menos o 50 por cento da base da dedución deberá corresponderse con gastos realizados en territorio español. -
PRODUTORES REXISTRADOS NO REXISTRO DE EMPRESAS CINEMATOGRÁFICAS QUE SE ENCARGUEN DA EXECUCIÓN DUNHA PRODUCIÓN ESTRANXEIRA.
Sempre que permitan a confección dun soporte físico previo á súa produción industrial terán dereito a unha dedución do 20 por cento dos gastos realizados en territorio español sempre que estes sexan, polo menos, dun millón de euros.
A base da dedución está constituída polos seguintes gastos realizados en territorio español directamente relacionados coa produción:
-
Os gastos de persoal creativo, sempre que teña residencia fiscal en España ou nalgún Estado membro do Espazo Económico
Europeo, co límite de 100.000 euros por persoa. -
Os gastos derivados da utilización de industrias técnicas e outros provedores.
-
O importe desta dedución non pode ser superior a 3 millóns de euros, por cada produción realizada.
-
-
GASTOS DE PRODUCIÓN E EXHIBICIÓN DE ESPECTÁCULOS EN VIVO.
Os gastos de produción e exhibición de espectáculos en vivo de artes escénicas e musicais terán dereito a unha dedución conxunta do 20 por cento. A base da dedución estará constituída polos custos directos de carácter artístico, técnico e promocional incorridos nas referidas actividades. A dedución
xerada en cada período impositivo non poderá superar o importe de 500.000 euros por contribuínte.