10.10.8. Por coidado de fillos menores de ata 14 anos inclusive

Os contribuíntes que por motivos de traballo, por conta ou allea, teñan que deixar aos seus fillos de ata 14 anos inclusive ao coidado dunha persoa empregada do fogar, ou en gardarías, centros de lecer, campamentos urbanos, centros deportivos, ludotecas ou similares, au­torizados pola administración autonómica ou local com­petente, poderán deducir:

O 10% das cantidades satisfeitas no período, co límite máxi­mo de 400 euros por unidade familiar siem­pre que concorran os seguintes requisitos:

• Que na data de devindicación do imposto os fillos teñan 14 anos ou menos
• Que ambos os dous pais realicen unha actividade por cuen­ta propia ou allea pola que estean dados de alta en Seguridade Social ou mu­tualidad.
• Se dedución é aplicable por gastos dunha persoa empregada do fogar, esta ten que estar dada de alta no réxime correspondente da Seguridade Social.
• Se a dedución é aplicable por gastos en gardarías, centros de lecer, campamentos urbanos, centros deportivos, ludotecas ou similares, terase que dispor da correspondente factura.
• Que se teña dereito a aplicar o mínimo por des­cendiente por cada un dos fillos polos que se vaia a aplicar a dedución.
• Que a base impoñible total non ex­ceda de 28.000 euros en tributación individual ou 45.000 euros en tributación conxunta.

Para os efectos desta  da dedución, enténdese por unidade familiar a unidade de convivencia (matrimonios, parellas de feito, inscritas ou non) de maneira que o   límite de 400 euros aplicarase á suma da dedución aplicable por todos os membros da familia, rateandose o seu importe en función das cantidades satisfeitas por cada un dos proxenitores.

Formalización

O contribuínte cubrirá o importe por el satisfeito e, ademais, segundo cal sexa o seu caso, a información adicional dos apartados A) e B).

Apartado A)

1. Matrimonios con fillos comúns a ambos os dous cónxuxes e / ou fillos non comúns. O declarante cubrirá neste apartado o importe satisfeito polo seu cónxuxe sempre que este cumpra os requisitos para ter dereito á dedución.

2. Parellas de feito con fillos comúns aos dous membros da parella e / ou fillos non comúns. O declarante cubrirá neste apartado o importe satisfeito pola súa parella sempre que esta cumpra os requisitos para ter dereito á dedución

Apartado B)

Sempre que non se trate de matrimonios ou parellas de feito o declarante cubrirá neste apartado o importe satisfeito polo outro proxenitor cando teña a garda e custodia compartida de todos os seus fillos e o outro proxenitor cumpra os requisitos para ter dereito á dedución.

Se para algún dos seus fillos, polos que satisfai gastos, tivese a garda e custodia exclusiva non cubrirá este apartado.