10.11.6. Por alugamento da vivenda habitual

O contribuínte poderá deducir o 10% das cantidades que satisfixese durante o período impositivo en concepto de alugamento da súa vivenda habitual, cun límite de 300 euros por contrato de arrendamento e ano tanto en tributación individual como na conxunta. Esta dedución será do 20% cun límite de 600 euros por contrato e ano se ten dous ou máis fillos menores de idade.

As contías fixadas para esta dedución duplicaranse no caso de que o arrendatario teña recoñecido un grao de discapacidade igual ou superior ao 33 por cento.

Requisitos

O contribuínte debe ter 35 anos ou menos na data da devindicación do imposto. En caso de tributación conxunta o requisito da idade terá que cumpriro polo menos un do cónxuxes ou, se é o caso, o pai ou a nai.
O contrato de arrendamento debe ser posterior a 1 de xaneiro de 2003.
Que estea en posesión do xustificante de constituír o depósito da fianza a que se refire o artigo 36.1 da Lei 29/1994, de arrendamentos urbanos, no Instituto Galego da Vivenda e Solo ou ben copia compulsada da denuncia presentada ante o devandito organismo por non haberlle entregado o devandito xustificante a persoa arrendadora..
A base impoñible non debe superar 22.000 euros, tanto en tributación individual como na conxunta. Este requisito será controlado polo programa.

Cando dous contribuíntes teñan dereito á aplicación da dedución, o importe total sen exceder do límite establecido por contrato de arrendamento, ratearase por partes iguais na declaración de cada un deles .

No suposto de matrimonios en réxime de gananciais a dedución corresponderá ao cónxuxes por partes iguais aínda que o contrato de arrendamento estea só a nome dun deles .

Formalización

A través da xanela de captura de datos o contribuínte fará constar:

O importe total satisfeito polo contribuínte titular da dedución. Tratandose de matrimonios en réxime de gananciais, a dedución corresponderá ao cónxuxes por partes iguais, aínda que o contrato estea só a nome dun deles .
O número de persoas con dereito a aplicar a dedución por un mesmo contrato de arrendamento
O NIF do arrendador. Se o arrendador non ten NIF, deberá consignar o Número de Identificación no país de residencia.
O número de fillos menores de idade que conviven co conribuyente .

O programa trasladará os datos incluídos do anexo B6 da declaración.