Saltar ao contido principal
Modelo 100. Declaración do Imposto sobre a Renda das Persoas Físicas 2020

10.13.10 Por adopción ou nacemento

Contía

Os contribuíntes poderán deducir, por cada fillo nado ou adoptado no período impositivo en que se produza o nacemento ou a adopción, as seguintes cantidades: 

  • 100 euros se se trata do primeiro fillo.

  • 200 euros se se trata do segundo fillo.

  • 300 euros se se trata do terceiro fillo ou sucesivos

Requisitos

  • A suma das bases impoñibles xerais e do aforro non pode superar os 30.000 euros en declaración individual e os 50.000 euros en tributación conxunta.

  • Cando os fillos convivan con ambos os dous proxenitores na data de devindicación aplicarán a dedución pola  metade se ambos os dous tributan  de forma individual e polo importe íntegro se tributan de forma conxunta. Se convive con só un dos proxenitores, será este o que poderá aplicar o importe íntegro da dedución. Se un dos proxenitores non cumpre o requisito do límite de base impoñible, o importe íntegro da dedución poderá aplicara o outro que o cumpra.

  • Se o o número de fillos dá lugar á aplicación dun importe diferente, ambos os dous aplicaranse a dedución que corresponda en función do número de fillos preexistentes. Se dandose esta circunstancia a declaración for conxunta, a dedución será a suma do que a cada un correspondería se a declaración fóra individual.

Formalización

Deberá indicar o número de orde que representa  o fillo nado ou adoptado no exercicio respecto de todos os fillos do contribuínte.

  • A  formalización farase na columna "comúns" no caso de matrimonio cando o fillo teña o mesmo número de orde para ambos os dous cónxuxes e ademais ambos os dous presenten declaración.

  • En caso distinto de matrimonio ou cando existindo matrimonio o  fillo nado ou adoptado tivese un número de  orde distinto para cada  cónxuxe ou cando tendo en mesmo número de orde un do  cónxuxes   non presente declaración,  o número de orde  cubrirase na  columna  "titular".

    Deberá consignar o número de declarantes con dereito á dedución indicando 1 se só un dos proxenitores ten dereito á dedución (exemplo: fillo dunha parella de feito que conviva cos dous proxenitores que presentan declaración individual e un non cumpre o requisito de base impoñible) ou un 2 se os dous proxenitores teñen dereito (exemplo: fillo dunha parella de feito que conviva cos dous proxenitores que presentan declaración individual e  ambos os dous cumpre o requisito de base impoñible).