10.2.3. Por adopción internacional de nenos

No suposto de adopción internacional, formalizada nos termos regulados na lexislación vixente e de acordo cos Tratados e Convenios subscritos por España, os contribuíntes poderán deducir 600 euros por cada fillo adoptado no período impositivo.

Entenderase que a adopción ten lugar no período impositivo correspondente ao momento en que se dite resolución xudicial constituíndo a adopción.

Cando o neno adoptado conviva con ambos os dous pais adoptivos e estes optasen pola tributación individual, a dedución ratearase por partes iguais na declaración de cada un deles .

Esta dedución é compatible coas deducións "Por nacemento ou adopción do terceiro fillo ou sucesivos" , “En atención ao grao de discapacidade dalgún dos fillos ”e coa dedución “Por nacemento ou adopción do primeiro e / ou segundo fillo en poboacións de menos de 10.000 habitantes.

Formalización

En caso de matrimonio se ambos os dous cónxuxes teñen dereito á dedución, deberá indicar no recadro "Común" o número de fillos adoptados no ámbito internacional.

Noutro caso, o número de fillos adoptados internacionalmente reflectirase no recadro "Do Titular ". Neste suposto deberá indicar, adicionalmente, se os fillos conviven ou non con ambos os dous pais adoptivos.